مراجعة موبايل infinix Zero 8i
infinix Zero 8i

بعد ما شركة إنفنكس حققت نجاح كبير في مابيعات موبايل infinix Zero 8 في الفئة المتوسطة، قررت إنها تعمل موبايل infinix Zero 8i واللي فيه تشابة كبير بينه وبين infinix Zero 8 مع اختلاف بسيط في الكاميرات واللى هنتكلم عنها بوضوح بعدين.

بس الأول تعالوا أعرفكم على خدمة سهلة وبسيطة، وكمان حصرية…

وهي خدمة “اختار موبايلك”، واللي بيقدمهالنا مـــــوقع نـاس فـون واللي من خلالها تقدر تعرف كل المعلومات اللي محتاج تعرفها عن أي موبايل، كل اللي مطلوب منك إنك تكتب المواصفات والإمكانيات اللي نفسك تلاقيها فى الموبايل اللى عايز تشتريه وإحنا هنقدم لك أنسب موبايل ليك بالإمكانيات والمواصفات اللى عايزها تكون في الموبايل، كل اللي عليك إنك تضغط هنـــــــــــا

يلا بينا نبدأ المراجعة و نشوف مميزات وعيوب موبايل infinix Zero 8i وهل يستحق الشراء أم لا؟

تصميم موبايل infinix Zero 8i:

أولًا خامات الموبايل:

خامات موبايل infinix Zero 8i من البلاستيك اللامع المشابة للزجاج سواء كان من ضهر الموبايل أو من الإطار، ودي حاجة شركة إنفنكس معودانا عليها، بس للأسف هي عادة سيئة لأن البلاستيك اللامع بيساعد ويدي فرصة كبيرة على التبصيم والخربشة، لكن يعتبر مقبول في الفئة السعرية اللى نازل الموبايل فيها. 

ثانيًا التصميم الخارجي:

تصميم الكاميرات:

تصميم كاميرات infinix Zero 8i بييجي بشكل مختلف شوية يعنى الكاميرات الخلفية 3 كاميرا، فى شكل مربع مائل والكاميرات مرصوصة داخل المربع في شكل مثلث، مع وجود فلاش رباعي من نوع ليد فلاش، بس مربع الكاميرات فى الموبايل بارز شوية عن جسم الجهاز، واللي هيخلي الكاميرات معرضة بصورة كبيرة للتجريح.

بالنسبة للكاميرا الأمامية هي مزدوجة، وموجودة فى نوتش أعلى الشاشة، بالإضافة لوجود فلاش أمامي من نوع ليد فلاش.

وهنتكلم عن شرح الكاميرات بالتفصيل بعدين.

 

تصميم موبايل infinix Zero 8i
تصميم موبايل infinix Zero 8i

 

الأبعاد والألوان:

موبايل infinix Zero 8i نازل بأبعاد 168.74×76.08×9.07 ملم.

الألوان اللى الموبايل يتوفر بها هي اللون الفضي، والأخضر، وكمان اللون الأسود.

وهي ألوان حلوة وتعتبر هي نفس الألوان اللى إنفنكس معودانا عليها في إصدارتها للموبايلات.

وزن الموبايل هنا 210.5 جرام، ودا وزن تقيل يعني هيبقي متعب جدًا لما تستخدمه لفترات طويلة من الوقت.

شاشة موبايل infinix Zero 8i:

الموبايل نازل بشاشة بشكل الثقب المزدوج، من نوع IPS LCD، بمساحة 6.85، وبجودة الـ FHD+، بدقة 2460×1080 بكسل.

تدعم الشاشة معدل التحديث الأعلى الـ 90Hz للحصول على أفضل تجربة وقت استخدام الموبايل، سواء كان في التصفح أو لعب الألعاب أو في استخدام الموبايل بصفة عامة.

الشاشة هنا بالكامل تدعم وضع الـ Dark Mode  يعني تحويل النظام بالكامل إلى اللون الأسود، واللى أصبح ميزة كويسة جدًا ومعظم الناس دلوقتي بقت تدور عليها، وخصوصًا بعد ما جربته في معظم التطبيقات زي:

الفيس بوك، والواتساب، وكمان تويتر، وهكذا.

الشاشة هنا كبيرة وبنفس حجم الحواف تقريبًا بالنسبة لباقي المنافسين في الفئة السعرية دي.

 

شاشة موبايل infinix Zero 8i
شاشة موبايل infinix Zero 8i

 

بالنسبة لتجربة المشاهدة في موبايل infinix Zero 8i مع حجم الشاشة الكبير، فهو هيديلك تجربة مشاهدة كويسة جدًا ودرجة تشبع عالية.

الألوان في الشاشة حلوة أوي، بس الألوان هنا مائلة بشكل كبير للون الأزرق.

كاميرات موبايل infinix Zero 8i:

الكاميرا الأمامية هنا مزدوجة: 

الأولى، هي كاميرا أساسية للموبايل، وبتكون بدقة 16 ميجا.

الثانية، بتييجي بدقة 8 ميجا بكسل، وهي خاصة بالتصوير الواسع، مع وجود فلاش أمامي مزدوج من نوع ليد فلاش.

الموبايل بييجي بـ 4 كاميرا خلفية:

الكاميرا الأولى، هي كاميرا أساسية في الموبايل، بتكون بدقة 48 ميجا بكسل.

الكاميرا الثانية، بتكون بدقة 8 ميجا بكسل، وهي خاصة بالتصوير الواسع، بفتحة عدسة F\2.2.

الكاميرا الثالثة، بتييجي بدقة 2 ميجا بكسل، وهي خاصة بالتصوير الليلي وتصوير الماكرو.

الكاميرا الرابعة، خاصة بعمل العزل والبورتريه، وبتييجي بدقة 2 ميجا بكسل، مع وجود فلاش رباعي من نوع ليد فلاش.

يدعم الموبايل تصوير الفيديوهات بجودة الـ 2K، بدقة الـ 2160 بكسل، وبمعدل التقاط 30 إطار في الثانية.

وكمان يدعم التصوير بجودة الـ FHD، بدقة 1080 بكسل، بمعدل التقاط 30 و 60 إطار في الثانية الواحدة، بالإضافة لدعمه التصوير بجودة الـ HD بدقة 720 بكسل، بمعدل التقاط 30 إطار في الثانية الواحدة.

 

كاميرات موبايل infinix Zero 8i
كاميرات موبايل infinix Zero 8i

 

بالنسبة لأداء الكاميرا الأساسية واللي بتييجي بدقة 64 ميجا بكسل فهي هتطلع صور حلوة أوي، ودرجة تشبع الألوان فيها هتبقى كويسة، وكمان فيها تفاصيل كتير، بس مع اختلاف الإضاءات جودة الصور هتقل بشكل طبيعي. 

الدينمك رينج في الموبايل دا عجبنا أوي بصراحة شغال كويس، وهيظهر معاك أكتر في الإضاءات العالية.

بالنسبة للوضع الليلي أعتقد إن دا أفضل وضع ليلي أحنا جربناه لحد دلوقتى فى الفئة السعرية دي.

خاصية العزل في بعض الأوقات بتشتغل كويس في تحديد الأطراف، بس اللى عجبنا أكتر هي الكاميرا العريضة، واللى هي أحسن من الكاميرا الأساسية في معالجة الألوان، لكن للأسف تفاصيلها أقل من الكاميرا الأساسية ودا طبيعي.

نييجي بقى لكاميرا السلفي واللى بمجرد ما تفعل وضع الـ 64 هيظهر كمية تفاصيل حلوة أوي وألوان مشبعة، بس لون البشرة معجبنيش أوي مش كل مرة بيبقى مظبوط، بس لما تشغل الفلاش الأمامي الصور هتبقى حلوة.

خاصية العزل في الكاميرا الأمامية أداؤها كان متواضع.

البصمة والزيادات:

البصمة:   

الموبايل هنا يدعم مستشعر البصمة، واللى مكانها في جانب الموبايل الأيمن مدمجة مع زر الباور، وبالنسبة لأداء البصمة فهي كانت سريعة، وأنا من الناس اللى مبسوط جدًا بمكان البصمة الجديد وأتمنى إنه يستمر. 

وكمان يوجد بالموبايل خاصية الـ Face Unlock واللى ليها مسمى تاني وهو بصمة الوجه، ويعتبر خلاص بقينا متعودين على وجودها في أي موبايل.

الموبايل بيدعم بعض المستشعرات: 

  1. مستشعر التسارع.
  2. مستشعر القرب.
  3. مستشعر البوصلة.
  4. مستشعر الجيروسكوب اللي بيشتغل عن طريق السوفت وير، وهو كمان خاص بنظارات الواقع الإفتراضي الـ VR.

يدعم الموبايل شبكات الجيل الثاني، والثالث، والرابع.

يدعم الموبايل المنفذ الـ 3.5 الخاص بالهاند فري.

يدعم أيضًا البلوتوث بالإصدار 5.0، بالإضافة لدعمه خاصيتي الـA2DP, LE.

وكمان الموبايل يدعم تحديد الموقع الجغرافي الـ GPS، ويعمل على دعم خاصية الـ A GPS.

يدعم الموبايل الاتصال السريع بالواي فاي بترددات الـ a\g\b\n\ac، مع دعمه خاصية الهوت سبوت.

بيييجي منفذ الـ USB في موبايل infinix Zero 8i من نوع Type C، بالإضافة لدعمه خاصية الـ OTG لتشغيل أي USB Driver على موبايلك.

يتوفر الموبايل بنظام تشغيل أندرويد 10، مع واجهة XOS 7.

يدعم الموبايل تشغيل شريحتين اتصال، وكارت ميموري لإحتمالية زياد المساحة التخزينية بسعة تصل إلى 256 جيجا بايت.

أداء موبايل infinix Zero 8i:

أداء الموبايل هنا بييجي بمعالج من شركة ميديا تيك Helio G90، بتكنولوجيا 12 نانو.

ومعالج رسومي من نوع Mali-G76 MC4 ليقدم أداء قوي جداً في الألعاب، وهو مخصص للحصول على أفضل أداء وقت اللعب حتى مع الألعاب التقيلة زي PUBG.

 

أداء موبايل infinix Zero 8i
أداء موبايل infinix Zero 8i

 

يدعم الموبايل تقنية التبريد المائي متعدد الأبعاد، واللى يعمل على تقليل درجة الحرارة وتوزيعها بشكل مختلف للعمل على خفض درجة الحرارة لأقصى درجة ممكنة، بالإضافة لدعم الموبايل لوضع الـ Smart Turbo V1.0 لتسريع الألعاب، فهو عبارة عن نظام Turbo مع تطبيق Game Turbo لتعزيز أداء الموبايل وقت اللعب بالأخص الألعاب الثقيلة علشان تقدر تحصل على تجربة كويسة بشكل ملحوظ، وهو نفس معالج إنفنكس زيرو 8 وريلمي 6.

بطارية موبايل infinix Zero 8i:

سعة البطارية هنا 4500 ميللي أمبير، ودا حجم كبير هيدوم معاك لفترة طويلة، ودا هيكون ميزة كويسة أوي للفئة اللى هتستخدمه سواء كان في الشغل أو اللعب، ودي عادة شركة إنفنكس معودانا عليها، بالإضافة أن قوة الشحن هنا في الموبايل دا 33 وات، يعني هيشحن الموبايل بسرعه جدًا بمعنى إن المدة اللى هيشحن فيها الموبايل من 0 إلى 100% في 55 دقيقة تقريبًا.

 

بطارية موبايل infinix Zero 8i
بطارية موبايل infinix Zero 8i

سعر موبايل infinix Zero 8i:

سعر الموبايل هو 3550 جنيه مصري لنسخة 128 جيجا مع 8 جيجا رام.

فتح علبة موبايل infinix Zero 8i:

– موبايل  infinix Zero 8i.

– رأس الشاحن بقوة 33 وات، ودا هيخلي الموبايل يشحن بسرعة.

– اسكرينة بلاستيك لكنها مش هتحمي الموبايل نهائيًا، ويفضل تجيب واحدة تانية علشان تقدر تحافظ على الموبايل.

– كابل USB من نوع Type C.

– هاند فري.

– كتيب الضمان والتعليمات الخاص بشرح كل التفاصيل عن الجهاز.

– جراب شفاف لحماية ضهر الموبايل.

– دبوس معدني.

الرأي النهائي في موبايل infinix Zero 8i:

المميزات:

  • الموبايل يدعم استخدام شريحتي اتصال، وكارت الميموري في نفس الوقت.
  • يدعم الموبايل تصوير الفيديوهات بجودة الـ 4K.
  • الموبايل نازل بمساحة كبيرة، وهي 128 جيجا مع 8 جيجا رام.
  • بطارية كبيرة هتفضل شغالة معاك ليوم ونص تقريبًا، مع دعمها للشحن السريع بقوة 33 وات.
  • الذاكرة الصلبة والعشوائية كبيرة، ودا بيديك فرصة أكبر في فتح التطبيقات.

العيوب:

  • عدم وجود لمبة الاشعارات.
  • الموبايل معرض بصورة كبيرة للتبصيم والاتساخ بسبب خامته اللى من البلاستيك اللامع.
  • صوت الموبايل عالى، ولكن يفتقد إلى بعض التجسيم لتجربة صوتية أفضل.
  • يفتقد الموبايل إلى دعمه للميكروفون الثانوي، فهتلاقي إن عزل الضوضاء مش هيكون الأفضل.

الخلاصة:

الموبايل كويس جدًا من ناحية كل حاجة، سواء كان الأداء أو البطارية… إلخ

فاحنا شايفين إن الموبايل بيمثل صفقة ممتازة بالنسبة للفئة اللى نازل فيها وبالنسبة لسعره المعروض.

التعليقات
اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *