شركة نوكيا فاجأتنا بإصدار من أقل إصداراتها وإصدارات الشركات المنافسة سعرًا وهو Nokia C2، والمعروف أو المعتاد إن صعب جدًا نلاقي جهاز من شركة عريقة زي نوكيا وبالسعر الرخيص أوي دا، لا وكمان يُعتمد عليه!
خلينا نعمل مراجعة شاملة كالعادة تعرفنا ليه دا أرخص إصدارات نوكيا، ونتعرف على إمكانياته ومواصفاته علشان نتأكد إن كان يعتمد عليه فعلًا ولا لا!
بس قبلها حابين نفكركم بخدمة تهمكم وهتساعدكم أكتر في اختيار الجهاز المناسب لكل حد بيفكر يشتري جهاز جديد، وهي خدمة “اختار موبايلك” اللي بيقدمها موقع نــاس فــونــز ودي خدمة هتساعدك في إنك تختار الجهاز المناسب ليك، عن طريق ترشيحاتنا اللي بتكون بِناءًا على طلبك واللي انت عايزه ومحتاجه في جهازك؛ وعلشان تكون ببساطة قادر تختار الجهاز اللي اتعمل لإشباع احتياجاتك ويتناسب مع ميزانيتك من غير أي قلق ولا حيرة.
ويلا نبدأ مراجعتنا بتصميم الموبايل…
تصميم موبايل Nokia C2:
أولًا الخامات:
- خامات الجهاز هنا وكعادة كل إصدارات نوكيا من البلاستيك بالكامل، سواء الضهر أو الفريم.
ثانيًا التصميم الخارجي:
- الجهاز بييجي بأبعاد 154.8×75.6×8.9 ملم.
- وزن الجهاز 161 جرام، ودا يعتبر أخف إصدار لنوكيا في الفئة الاقتصادية دي.
مفيش طبعًا أي طبقة حماية على الشاشة من أي نوع، وعلشان كدا لازم تشتري للموبايل اسكرين للحماية أول ما تيجي تستخدمه.
- الجهاز متوفر بألوان الأسود والأخضر.
شاشة موبايل Nokia C2:
- الشاشة من نوع IPS LCD بشكل قديم وتقليدي وحواف كبيرة، بمساحة 5.7 إنش من نوع IPS LCD بجودة الـ HD
- الشاشة بتييجي بدقة 720×1440 بكسل، يعني بمعدل كثافة بكسلات 282 بكسل لكل إنش.
- تدعم الشاشة أبعاد العرض بنسبة 18:9 وبتشغل نسبة 71.6% من الواجهة الأمامية، وتدعم خاصية اللمس المتعدد أيضًا.
بشكل عام أداء الشاشة حلو أوي و واضح، وكمان درجة تشبع الألوان والحدة فيها جودتهم كويسة، لكن بالنسبة للسطوع مش هيكون أحسن حاجة تحت أشعة الشمس.
لكن، في المجمل تجربة أداء الشاشة بالنسبة لسعر الجهاز نقدر نقول أنه هايل باستثناء إن شكلها كتصميم قديم شوية والحواف فيها كبيرة.
كاميرات موبايل Nokia C2:
أولًا الكاميرا الأمامية:
- تأتي بدقة 5 ميجا بكسل مع فلاش أمامي من نوع ليد فلاش.
ثانيًا الكاميرا الخلفية:
- هي كاميرا أحادية دقتها 5 ميجا بكسل، وفتحة عدسة F/2.2 مع فلاش أحادي من نوع ليد فلاش.
ثالثًا تصوير الفيديوهات:
يدعم الجهاز تصوير الفيديوهات بجودة الـ HD بدقة 720 بكسل، بمعدل التقاط 30 إطار في الثانية.
اداء الكاميرات مقبول، هتلاقيه أحسن من أداء التصوير العادي؛ علشان الكاميرا هنا بتدعم التصوير بجودة عالية، وهيقدملك في ضوء النهار صور مقبولة جًدا، ومشبعة بالألوان، وحدة ور واضحة جدا، مع كمية تفاصيل مقبوله، لكن في الإضائة الضعيفة هتلاقي جودة الصور قلت منك جًدا ودا بسبب قلة البيكسلات بتاعة الكاميرا، وكمان علشان فتحة العدسة الضيقة للكاميرا، لكن في النهاية دا المتوقع من موبايل في الفئة السعرية دي.
البصمة والزيادات:
- الجهاز لا يدعم مستشعر البصمة، لكنه يدعم خاصية الـ face unlock.
بالإضافة إلى دعمه عدة مستشعرات أخرى زي:
- مستشعر التسارع.
- مستشعر التقارب.
البلوتوث بييجي بإصدار 4.2 كما يدعم خاصيتي الـ A2DP, LE.
الواي فاي تردداته b/g/n ويدعم خاصية الـ hotspot.
الجهاز يدعم الـ GPS بالإضافة إلى دعمه للـ A-GPS.
نظام التشغيل في الجهاز Android 9.0 Pie، بأندرويد خام مخفف من نوع Go edition.
صوت موبايل Nokia C2:
يدعم الجهاز منفذ الـ 3.5 ملم الخاص بسماعات الأذن، وبيجي في الجهة العليا.
وكعادة أداء أجهزة نوكيا في سماعاتها الخارجية، أداء عالي بجودة متوسطة للسماعات.
أداء موبايل Nokia C2:
سعة الذاكرة الصلبة للجهاز 16 جيجا بايت وهي من نوع EMMC 5.1، مع ذاكرة عشوائية بسعة 1 جيجا رام.
دا وبالإضافة إلى دعم الجهاز لإمكانية زيادة المساحة التخزينية عن طريق كارت ميموري لحد 64 جيجا بايت.
أما بالنسبة للأداء، فالمعالج هنا ربُاعي النواة بقوة 1.4 جيجا هرتز من نوع Spreadtrum Unisoc SC9832E، وبتكنولوجيا 28 نانو مع معالج رسومي من نوع Mali-820MP1.
وكتقييم للأداء مش هنقول غير إنه بالنسبة لسعر الجهاز، أداء مقبول ومتواضع وسلس نوعًا ما بالنسبة للاستخدامات الخفيفة اليومية العادية، أما الاستخدامات التقيلة والألعاب فأكيد هيهنج ويتقل معاك جدَا.
بطارية موبايل Nokia C2:
سعة البطارية 2800 مللي أمبير وهي من النوع القابل للإزالة بسهولة، ودي ميزة حلوة؛ لإن في حالة أي ضرر للبطارية هتقدر تغيرها بسهولة.
البطارية بتقدم أداء متوسط وبتصمد لفترات طويلة نوعًا ما خلال اليوم، بالإضافة إلى إن مدة شحنها مش طويلة.
سعر موبايل Nokia C2:
سعر الجهاز 1100 جنيه مصري، أي ما يعادل 70 دولار أمريكي.
فتح علبة موبايل Nokia C2:
1- موبايل Nokia C2.
2- رأس شاحن عادي بقوة 5 فولت + كابل USB من نوع microUSB.
3- جراب ظهر شفاف لحماية ظهر الموبايل.
4- كُتيب الإرشادات + ضمان الهاتف.
الرأي النهائي في موبايل Nokia C2:
المميزات:
- يدعم الموبايل مستشعر التسارع والقرب والضوء.
- خام تصنيع جيد كعادة نوكيا مع سعر اقتصادي ارخص.
- وجود منفذ 3.5 مللي لسماعات الأذن الخارجية.
- يدعم الهاتف خاصية اللمس المتعدد ومكبر الصوت.
- توفر خاصية الـ GPRS وسرعة إنترنت الجيل الثاني.
- يدعم الموبايل خاصية البلوتوث الإصدار الرابع.
- تواجد الواي فاي بتردد b/g/n كما يدعم أيضًا hotspot.
- يتوفر الموبايل بمساحة التخزين الخارجي بكارت ميموري حتى 64 جيجا بايت.
- يدعم الموبايل خاصية تشغيل الراديو FM.
- تشغيل شريحتى الهاتف وكارت الميموري في ان واحد.
العيوب:
الموبايل مش خاصية تصوير الفيديوهات 4K.
عدم وجود لمبة اشعارات بالهاتف كما لايوجد ميكروفون لعزل الضوضاء.
سعة بطارية الجوال ضئيلة جدا بمقارنته بالمنافسين.
لا يدعم الموبايل خاصية الشحن السريع كما لا يدعم الشحن اللاسلكي.
لا يدعم الهاتف خاصية الـ NFC كما لايدعم Infrared.
الموبايل يكون غير مقاوم للاتربة والغبار كما انه غير مقاوم ايضا للماء.
كبر حواف شاشة الموبايل كما إن دقة الشاشة اتش دي فقط.
الخلاصة:
بعد ما وضحنا تفاصيل وإمكانيات الجهاز وعرفنا كل مميزاته وعيوبه، نقدر نقول إن الجهاز هيكون اختيار مناسب جدًا لأصحاب الاستخدام الخفيف، زي كبار السن أو، اللي هيستخدم الموبايل استخدام ثانوي، وطبعًا هيعيش معاهم كتير، على الرغم من سعره الاقتصادي وهيكونوا راضيين عن اختيارهم للجهاز دا وعن أداؤه جدًا.