مراجعة موبايل infinix smart 4
infinix smart 4

هنبدأ بلقاء تمهيدي مع موبايل infinix smart 4

من البداية خلونا متفقين إن كل موبايل ليه مميزاته وعيوبه، بس بتفرق من شخص للتاني من ناحية إيه اللي محتاجه يكون في الموبايل بتاعك وإيه لأ!

وهو دا اللي إحنا بنعمله في خدمة “اختار موبايلك”، واللي بيقدمها موقعنا نـــــــاس فــــــون،واللي من خلالها هنساعدك تختار الموبايل المناسب ليك، كل اللي عليك إنك تكتب المواصفات والإمكانيات اللي عايزها تكون في موبايلك واحنا هنقدم لك شرح مفصل عن كل حاجة تخص أنسب اختيار ليك، حسب احتياجاتك والسعر اللي أنت عاوزه، كل اللي عليك إنك تضغط هنــــــــــا….

علشان منطولش عليكم تعالوا نتعرف علي الموبايل اللي معانا بشكل أوضح من كدا ونعرف هل يستحق إنك تشتريه ولا لأ!  

هنتكلم النهاردة عن موبايل جديد من شركة إنفنكس وهو إنفنكس Smart 4.

دايما شركة إنفنكس بتقدم لنا موبايلات مثيرة للجدل جدًا بأسعار في حدود 2000 جنيه مصري، ودايما بتهتم بحجم الشاشة الكبير والبطارية الضخمة اللي بتقعد شغالة معاك لمدة يوم كامل…

بس النهاردة الشركة بتدينا موبايل جديد ومختلف شوية، هو إنفنكس سمارت 4، مبدأيًا كدا الموبايل 32 جيجا، وبيدعم شبكات الـ 4G.

تصميم موبايل infinix smart 4:

أولًا خامات الموبايل:

تصميم الموبايل تقليدي كعادة شركة إنفنكس.

خامات التصنيع ومتانة الموبايل جاية من البلاستيك، ودا طبعًا زي ما عودتنا شركة إنفنكس، أما عن حواف الموبايل فالحافة السفلية مش الأفضل، بس الحافة العلوية للجهاز هي أكبر حافة شفتها لحد دلوقتي، وفي الفئة السعرية دي مش هنقدر نلوم على الجهاز أوي.

ثانيًا التصميم الداخلي:

تصميم الكاميرات:

نييجي لتصميم الكاميرات واللي لما شوفناه حسينا إنه مش مرضي الصراحة.

الكاميرات الخلفية مزدوجة، في شكل مستطيل ويتوسطهم فلاش ثنائي من نوع ليد فلاش.

 

تصميم
تصميم موبايل infinix smart 4

 

 الأبعاد والألوان:

الموبايل موجود بألوان نقدر نقول إنها معتادة في الموبايلات زي، “الأسود، والأحمر، والبنفسجي، والأزرق” 

أبعاد الموبايل هي 167x76x8.3 ملم.

مع وزن 183 جرام وأكيد الوزن هنا ممتاز، وهيكون خفيف وسهل تمسكه وتشيله وتستخدمه حتى لفترات طويلة.

شاشة موبايل infinix smart 4:

الشاشة في الموبايل دا بتييجي بشكل النوتش من نوع الـ Water Drop، زي بالظبط موبايل إنفنكس سمارت 3، والشاشة من نوع الـ IPS LCD بمساحة 6.6 إنش، وهي أكبر شاشة في الفئة السعرية دي بجودة الـ HD+ ودا العادي في الفئة الاقتصادية، بدقة 720×1600 بكسل.

الأبعاد الجديدة فيها جاية بنسبة 20:9 علشان تعمل على رؤية محتوى أكبر سواء كان للصور أو للفيدوهات.

 

شاشة موبايل infinix smart 4
شاشة موبايل infinix smart 4

 

كاميرات موبايل infinix smart 4:

الكاميرا الأمامية: 

الكاميرا هنا بتييجي بدقة 5 ميجا بكسل.

الموبايل بييجي بـ2 كاميرا خلفية:

الكاميرا الأولى، هي كاميرا أساسية في الموبايل، تأتي بدقة 8 ميجا بكسل. 

الكاميرا الثانية، بتييجي بدقة QVGA، وهي خاصة بالتصوير في الإضاءة المنخفضة بشكل أفضل، وكمان فيه فلاش ثنائي خلفي من نوع ليد فلاش.

أما عن تصوير الفيديوهات، فهي بجودة الـ FHD بدقة 1080 بكسل، بمعدل التقاط 30 إطار في الثانية.

كما يدعم الموبايل التصوير الـ HD، بدقة 720 بكسل، بمعدل التقاط 30 إطار في الثانية.

 

كاميرات infinix smart 4
كاميرات موبايل infinix smart 4

 

الكاميرات هنا نقدر نقول إنها هتقدم أداء كويس بالنسبة للفئة السعرية اللي هي فيها بس مش أفضل أداء.

نييجي بقي لتجربة الكاميرا، واللي الصراحة مكنتش الأفضل في الاستخدام، والألوان كانت بهتانة ومش واضحة في التصوير، لا في الفئة السعرية دي ولا في اللي بعدها.

البصمة والزيادات:

البصمة:  

الموبايل هنا يدعم مستشعر البصمة، واللي بتكون موجودة في ضهر الموبايل وكأداء، فالبصمة هنا سريعة.

كما يوجد بالموبايل خاصية الـ Face Unlock وليها مسمى تاني وهو بصمة الوجه، اللي أصبحت تعتبر حاجة أساسية في تصنيع أي موبايل وهي الصراحة حاجة لطيفة جدًا.

الموبايل بيدعم بعض المستشعرات زي: 

  1. مستشعر التسارع.
  2. مستشعر القرب.
  3. مستشعر البوصلة.

يدعم الموبايل المنفذ الـ 3.5 الخاص بالهاند فري.

يدعم أيضًا البلوتوث 5.0.

وكمان الموبايل بيدعم تحديد الموقع الجغرافي الـ GPS، كما يعمل على دعم خاصية الـ A GPS.

يدعم الموبايل الاتصال السريع بالواي فاي بترددات الـ a\g\b\n مع دعمه خاصية الهوت سبوت.

بييجي منفذ الـ USB في موبايل إنفنكس اسمارت 4 من نوع Micro، بالإضافة إلى إن الـ USB بييجي بالإصدار الثاني والموبايل يدعم خاصية الـ OTG.

أداءموبايل infinix smart 4:

نيجي بقي لأداء الموبايل واللي بييجي هنا بمعالج من شركة ميديا تيك، من نوع “MT6761 Helio A22″، بتكنولوجيا الـ 12 نانو زي موبايل Nokia 2.2.

وبييجي بمعالج رسومي من نوع PowerVR GE8320، بالإضافة إلى وضع تعزيز الأداء الـ Game Boost، بس دا طبعًا مش للألعاب التقيلة زي بابجي…

الموبايل عادي يشغلها بس هتحس بسخونة في الجهاز؛ لأنه مش المعالج الأفضل لتشغيل النوع دا من الألعاب.

نظام تشغيل الموبايل Android 9.0 Pie Go Edition، مع واجهة XOS V5.5.2.

 

أداء infinix smart 4
أداء موبايل infinix smart 4

 

طبعًا دي المعالجات اللي متعودين عليها من شركة إنفنكس، واللي بصراحة محبنهاش خالص لإنها؛ مش هتديني الأداء المطلوب سواء في تشغيل التطبيقات أو أثناء اللعب زي لعبة بابجي اللي هتخلي الموبايل يسخن وهتحس وأنت بتلعب إن الموبايل بيهنج منك…

من الآخر يا جماعة الموبايل مناسب للمهام الخفيفة وبس.

بطارية موبايل infinix smart 4:

سعة البطارية هنا 4000 ميللي أمبير، ود حجم ضخم هيدوم معاك لفترة طويلة تكاد تكون يوم كامل، بس دا هيكون مناسب جدًا للفئة اللي هتستخدمه في الشغل، ودي عادة شركة إنفنكس في إصداراتها. 

 

بطارية موبايل infinix smart 4
بطارية موبايل infinix smart 4

 

سعر infinix smart 4:

الموبايل د ليه نسختين وكل واحدة ليها سعرها:

الأولى، هي 32 جيجا مع 2 جيجا رام، ودي سعرها حوالي 1700 جنيه مصري.

النسخة الثانية، هي 16 جيجا مع 1 جيجا رام سعرها 1400 جنيه مصري.

محتويات علبة الجهاز:

موبايل infinix smart 4.

رأس الشاحن بقوة 1.2 مللي أمبير، ودا هيخلي الموبايل يشحن ببطء شديد.

اسكرينة بلاستيك مش حلوة نهائيًا.

كابل USB من نوع Micro USB، ودا نوع قديم.

هاند فري بمنفذ الـ 3.5 ملم.

كتيب الضمان والتعليمات الخاص يشرح كل التفاصيل عن الجهاز.

جراب شفاف لحماية ضهر الموبايل.

الرأي النهائي في موبايل infinix smart 4:

المميزات:

  • يدعم الموبايل مستشعر البصمة.
  • يدعم أيضًا شبكات الـ 4G.
  • المعتاد من شــــركة إنفنكس البطارية الضخمة اللي هتصمد معاك فترة طويلة تكاد تكون يوم كامل.
  • شاشة الموبايل كبيرة ودا بردو المعتاد من شركة إنفنكس، وبتييجي بشكل النوتش، فبتديك أداء كويس إلي حدًا ما، ومش هتلاقي أكبر منها في الفئة السعرية دي.
  • كاميرا خلفية ثنائية في نفس الوقت اللي المنافسين فيه بينافسوا بكاميرا واحدة بس.
  • أداء المعالج مقبول مقارنةً بسعره طبعًا فهو مثل الـ Nokia 2.2 والـ Smart 3 Plus السابق، بس مش الأفضل…

أقصد يعني أنه مازال هناك الأقوي منه وبنفس السعر.

العيوب:

  • قوة شحن الموبايل 1.2 مللي أمبير يعني بطيء جدًا في الشحن، وهيحتاج وقت كبير علشان الموبايل يشحن.
  • والحاجة الغريبة اللي شوفتها في الموبايل إن السماعات الخارجية في ضهر الموبايل ومش في الأسفل، ودا هيبقي معرض الموبايل لكتم الصوت.
  • الموبايل جاي بالنسخة الأخف من الأندرويد الـ Go، وبسبب كدا مش هتعرف تستمتع بنسخة أندرويد الكاملة.

الخلاصة:

المعتاد من سلسلة الـ smart أنها تهتم  بحجم الشاشة، وحجم البطارية، والتصميم الداخلي، لكن المواصفات في آخر اهتماماتها.

احنا شايفين إن الموبايل نقدر نقول عليه مقبول إلى حد معين بالنسبة لسعره المعروض في الفئة دي.  

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *