مراجعة موبايل ايفون 11 برو ماكس
ايفون 11 برو ماكس

فخامة أبل تكفي! 

هل المقولة دي حقيقية؟ 

هل ايفون 11 برو ماكس جاي علشان يثبت الموضوع ده ولا هيكون فيه رأي تاني؟

ده اللي هنعرفه في المراجعة دي…

بعد سنة سيئة جدا لأبل في مبيعات الموبايلات واللي كانت أقل بكتير من توقعاتها، بدأت أبل تهتم بالموبايل بطريقة جديدة عن سياستها زي البطارية والكاميرات والتصميمات المختلفة وده اللي هنشوفه في الموبايل ده.

وقبل ما ندخل في المراجعة، خليني اقترح عليك خدمة “اختار موبايلكواللي بيقدمها موقــــع ناس فـــونـــز الخدمة دي هنرشحلك عن طريقها الموبايل المناسب لإحتياجاتك.

خلينا ندخل في المراجعة…

تصميم موبايل ايفون 11 برو ماكس:

أولا خامات الموبايل:

خامات بشوفها ممتازة وبتديك إحساس بالفخامة والرقي والصلابة كعادة أبل في موبايلاتها.

  • ضهر الموبايل زجاج بالكامل؛ وهو زجاج مطفي واللي بيقلل البصمات والأتربة أكتر بكتير من الزجاج العادي اللامع المعتاد في الموبايلات، كمان بيدي الموبايل ده شكل رسمي شوية يعني تحس إنه موجه لطبقة رجال الأعمال، الكاميرات الخلفية متغطية بطبقة زجاج لامع وده بيخليها معرضة لتجميع التراب حواليها شوية، كمان اللوجو بتاع أبل اللي في الضهر اتحرك شوية وبقى في نص الموبايل بالظبط بعكس الإصدارات القديمة اللي كان فيها طالع لفوق شوية.
  • الفريم معدني: لامع ومصنوع من الاستانلس ستيل واللي بيزود بشكل كبير من هيبة الموبايل وأناقته وصلابته وفخامته.

ثانيًا التصميم الخارجي:

  • تصميم الكاميرات: الكاميرات محطوطة في بوكس على شمال ضهر الموبايل وتصميمها غريب جدا وبنشوفه لأول مرة، الدواير اللي بتحيط بالكاميرات كبيرة جدا ومتغطية بطبقة زجاج لامع، بالنسبة ليا الشكل كويس بس شاذ شوية عن المألوف.
  • أبعاد الموبايل: الموبايل وزنه كبير ومش سميك أوي بوزن 226 جرام مع تخانة 8.1 ملم، وده هيخلي الموبايل متعب جدا لو مسكته لفترة طويلة.

 

تصميم موبايل ايفون 11 برو ماكس
تصميم موبايل ايفون 11 برو ماكس

 

شاشة موبايل ايفون 11 برو ماكس:

ايفون 11 برو ماكس بييجي بشاشة بحجم 6.5 بوصة ودقة 1242p يعني تقريبًا كده 458 بكسل في كل بوصة واحدة من نوع Super Retina XDR OLED بطبقة حماية خاصة بشركة أبل.

الشاشة دي بتدعم تقنية الـ HDR10 و Dolby Vision مع سطوع يساوي 800 nits في ظروف الإضائة العادية وبيصل لــ 1200 nits في حالة مشاهدة محتوى HDR بجودة عالية. مع تباين 2 مليون في مقابل واحد.

الشاشة بتقدم أدء ممتاز جدًا مع ميزة الـ True Tone واللي بتخلي الموبايل يتأقلم مع اللإضاءة اللي حواليه علشان  يظهرلك ألوان طبيعية أكتر وكأنك بتبص على ورقة نازل عليها الضوء، الألوان طبيعية جدًا وجميلة والسطوع ممتاز بالنسبة ليا ولكن مع وجود النوتش الكبير في أعلى الشاشة بيخلي شكل الشاشة مش لطيف.

 

شاشة موبايل ايفون 11 برو ماكس
شاشة موبايل ايفون 11 برو ماكس

 

كاميرات موبايل ايفون 11 برو ماكس:

ايفون 11 برو ماكس قدم نقلة عالية جدا لأبل في عالم الكاميرات والكاميرات دي بنشوفها لأول مرة في موبايلات أبل واللي بتقدم تجربة تستحق فعلا إنك تشتريها، وكعادة أبل دايمًا بتحاول تقدم ألوان طبيعية قدر المستطاع زي ما العين بتشوفها مع درجات الإضاءة المختلفة وخلينا نشوف الكاميرات ونشوف مواصفاتها.

الكاميرا الأمامية:

  1. هي كاميرا وحيدة موجودة في النوتش في الموبايل من فوق، الكاميرا دي تعتبر كويسة ولكن لاحظت في الصور السيلفي إن الكاميرا بتطلع الصورة بتميل للدفئ شوية يعني الصورة بتطلع بزيادة في اللون الأحمر ومش عارف إيه السبب، عمومًا الكاميرا هي كاميرا أمامية سيلفي 12 ميجا بكسل بفتحة عدسة F2.2 واللي بتدعم تصوير الفيديو بدقة 4K بـ 60  بـ 60 إطار في الثانية و 120 إطار في الكاميرا الأمامية وتصوير سريع بدقة 1080p، ولا يعيبها شيء غير الملاحظة البسيطة دي.

الكاميرات الخلفية:

    • كاميرا أساسية 12 ميجا بكسل بفتحة عدسة F1.8.
    • حجم البكسل 1.4μm.
    • مثبت بصري للصور OIS وتركيز Dual Pixel AF.
    • كاميرا بزاوية واسعة 12 ميجابكسل بفتحة عدسة F2.4.
    • زاوية رؤية الكاميرا بزاوية واسعة: 120 درجة.
    • كاميرا تقريب 12 ميجابكسل بفتحة عدسة F2.0.
    • حجم البكسل 1.0μm.
    • تثبيت بصري للصور OIS و تركيز بتقنية PDAF.
    • يدعم تصوير فيديو بدقة 4K بـ 60 إطار في الثانية الواحدة.
    • 240 إطار في الثانية بدقة 1080p.

 

كاميرات موبايل ايفون 11 برو ماكس
كاميرات موبايل ايفون 11 برو ماكس

 

مع شوية مميزات تانية زي:

  • عمل عزل في الكاميرات الخلفية والأمامية.
  • ميزة تثبيت الصور والفيديو بشكل سينمائي احترافي.
  • تصوير فيديو بتقنية HDR.
  • أخذ صور أثناء تسجيل الفيديو.

البصمة والزيادات:

البصمة: الجهاز بييجي من غير بصمة اصبع يعني الحل قدامك تعمل باسورد أو تفتح ببصمة الوجه المرفقة في النوتش اللي في أعلى الشاشة، البصمة هنا بتفتح بسرعة كبيرة جدا وبتفيدك كمان في أكثر من حاجة زي الـ Animoji

المستشعرات

  1. مستشعر التقارب.
  2. مستشعر التسارع.
  3. مستشعر البوصلة.
  4. مستشعر الـ Gyroscope.
  5. مستشعر الإضاءة.
  6. وأخيرًا الـ Barometer.

ممكن الميزة الوحيدة اللي ينفع نضيفها هنا هي وجود الشحن السريع في الموبايل ده من أبل.

الزيادات: الجهاز بيدعم الــ GPS وبيدعم أيضًا أنظمة الملاحة الآخرى الــ QZSS, GALILEO, GLONASS, A-GPS.

الموبايل بيدعم شريحة اتصال واحدة من نوع Nano-Sim.

شبكات الاتصال اللي في الموبايل بتكون الجيل الثاني 2G، الجيل الثالث 3G، الجيل الرابع 4G.

بيدعم الواي فاي بتقنية 802.11 وبترددات A/B/G/N/AC.

البلوتوث بييجي بإصدار 5.

الموبايل بيدعم USB 2.0 بالإضافة إلى وجود وصلة Proprietary Reversible.

صوت موبايل ايفون 11 برو ماكس:

الموبايل بيقدم تجربة صوت خرافية، بسماعتين ستيريو ودعم قوي لتقنيات مثل الـ Dolby Atmos و Dolby Digital Plus، وخلال تجربتي لموبايل ايفون 11 برو ماكس فهو أفضل تجربة صوتية واللي تفوقت على موبايلات كتير في فئته بسهولة.

لما جربت الموبايل في المكالمات فالموبايل قدملي سماعة مكالمات ممتازة جدًا مع ميكروفون قوي، وكان تقريبًا أفضل تجربة في  التسجيل الصوتي بالنسبالي.

كالعادة من أبل مفيش أصلا منفذ سماعات وكمان مفيش وصلة مرفقة في العلبة ولكن يوجد الــ Ear Buds المعتادة بالــ Lightning connector الخاص بأبل.

طبعًا لما بنتكلم عن موبايل من أبل فمش محتاجين نأكد على إن الشبكات هي الأفضل في كافة الموبايلات ولكن طبعًا تقتضي أمانة المراجعة إن إحنا نذكر الموضوع ده، أغلب النسخ الموجودة بتدعم شريحة واحدة مع شريحة إليكترونية واللي مبتشتغلش في مصر أصلا ولكن ظهرت نسخ صينية بتدعم الشريحيتين عادي جدا في نفس الوقت.

أداء موبايل ايفون 11 برو ماكس:

  • رقاقة Apple A13 Bionic سداسية النواة: 2×2.65 GHz Lightning + 4×1.8 GHz Thunder.
  • دقة تصنيع 7nm+.
  • معالج رسوميات Apple GPU رباعي النواة.
  • ذاكرة 64 أو 128 أو 256 جيجا بايت ليست UFS3.0.
  • رام 4 جيجابايت.

وطبعًا زي ما عودتنا أبل وهنا بالتحديد في موبايل ايفون 11 برو ماكس دايمًا أبل بتستخدم أفضل سوفت وير ممكن لاستغلال العتاد والمعالج بأفضل شكل، تحس إنهم بيعملوا خلطة متجانسة من السوفت وير والهارد وير علشان توصل لأفضل أداء ممكن.

 

أداء موبايل ايفون 11 برو ماكس
أداء موبايل ايفون 11 برو ماكس

 

بطارية موبايل ايفون 11 برو ماكس:

ايفون 11 برو ماكس بييجي ببطارية 3969 مللي أمبير وهو حجم ضخم غير مسبوق بالنسبة للبطاريات المعتادة من شركة أبل، ولأول مرة تقريبًا من وقت إطلاق الأيفون تقدم أبل التجربة دي لمستخدميها في نقطة البطارية بالذات.

وبالتجربة العملية لقينا إن بطارية الهاتف خرافية فعلا بمعنى الكلمة، يعني  بتقدم 8 ساعات والشاشة مفتوحة بسهولة وده طبقًا لاستخدامي الشخصي من تصفح وفيديوز على WIFI و Data لمدة تزيد عن نص اليوم تقريبًا، و لكن اللي بيميز البطارية فعلًا هو استهلاك الطاقة اللي لقيت إنه قليل جدا وقت ما بكون قافل الشاشة ومش بستخدم الموبايل وتكاد تقريبًا تكون مش بتستهلك حاجة.

بالنسبة للشحن فأخيرًا أبل بتقدم شحن سريع ومكنتش فاكر إن أنا هشوف الخاصية دي في أبل قريب ولكن خالفوا توقعاتي فأخيرا نقدر نقول إن أيفون بيدعم الشحن السريع 18W والشاحن مرفق في العلبة وبيدعم كمان الشحن اللاسلكي السريع والشحن اللاسلكي العكسي. 

 

بطارية موبايل ايفون 11 برو ماكس
بطارية موبايل ايفون 11 برو ماكس

 

فتح علبة موبايل ايفون 11 برو ماكس:

  1. موبايل iPhone 11 Pro Max.
  2. رأس الشاحن المزودة بإمكانية الشحن السريع (18 Watt)، مع كابل Lightning.
  3. أحدث سماعات من أبل (اير بودز)، التي يتم إضافتها مباشرةً في مدخل الشحن.
  4. دبوس معدني لأخراج بطاقة الاتصال.
  5. دليل الاستخدام في المرة الأولى مع شهادة الضمان من Apple.

سعر موبايل ايفون 11 برو ماكس:

سعر موبايل ايفون 11 برو ماكس يبدأ من 1100 دولار أمريكي بدون حساب الجمارك والضرائب، ويبدأ سعره في مصر من حوالي 25 ألف جنيه أو 4500 ريال سعودي داخل المملكة.

 الرأي النهائي لموبايل ايفون 11 برو ماكس:

المميزات:

  • بطارية أكبر من الإصدارات السابقة، بسعة 3959mAh وتحسين أداء استهلاك الطاقة مع دعم لخاصية الشحن السريع بقوة 18 وات.
  • شكل تصميم ظهر الهاتف بالنسبة للكاميرات جيد ولا بأس به.
  • الشاشة تأتي بسطوع 800 شمعة وتدعم الـ Dolby Vision, Wide color gamut, True-tone, 120Hz touch-sensing.
  • شاحن العلبة يدعم الشحن السريع بقوة 18 وات بعكس الـ IPhone 11
  • الهاتف يمتلك عتاد ممتاز.
  • من أهم مميزات Apple iPhone 11 Pro Max انه مقاوم للماء والغبار بمعيار IP68، يصل الى عمق متر ولمدة 30 دقيقة.
  • الشاشة تدعم الـ HDR10.
  • أفضل معالج من أبل، بمعمارية 7 نانو الذي يستهلك القليل من الطاقة.
  • الهاتف محمي بطبقة من الزجاج المقاوم للخدش.
  • شاشة ممتازة جدا من نوع اوليد تدعم خاصية اللمس الـ 3D وتدرج الألوان واسع والعديد من المميزات الأخرى يمكنك التعرف عليها من الجداول اسفل المقالة.
  • أداء أكثر من ممتاز للكاميرات بصفة عامة كما تم إضافة وضع الـ Night Mode لتقديم صور خالية من الضوضاء والتشويش.
  • شاشة على هيئة نوتش.
  • مايكروفون إضافى لإزاله الضوضاء.
  • يدعم التقريب البصري حتى مرتين.
  • يدعم الشحن السريع.
  • يدعم الشحن اللاسلكى.
  • شاشة من أفضل الشاشات في مجال الهواتف الذكية، والتي تعرض أوضح صورة تحت أشعة الشمس بفضل درجة السطوع المرتفعة، كما تعرض بألوان طبيعية مركزّة بفضل تقنية الـ Super Retina XDR، التي تعتبر تطوير لتقنية الـ HDR.
  • الهاتف يدعم تقنية الدفع الالكتروني Apple Pay.
  • يدعم الهاتف القلم Stylus.
  • يدعم الهاتف تقنية NFC.
  • الهاتف يدعم تقنية USB Power Delivery 3.0.
  • يمتلك الهاتف كاميرا خلفية ثلاثية.
  • يأتي الهاتف مع كاميرا أمامية مزدوجة.

العيوب:

  • الموبايل ثقيل جدًا؛ بما يجعله قابل للكسر خاصةً وأن معظم خامات تصنيع الهاتف من الزجاج، وهو يُعتبر أثقل من هاتف وان بلس الأخير OnePlus 7T Pro الذي يأتي بنصف السعر تقريبًا.
  • لا يدعم الذاكره الخارجيه.
  • لم توفر الشركة طراز يدعم شبكات الجيل الخامس بالرغم من أنها باتت مدعومة فى العديد من الجوالات بالفترة الأخيرة.
  • ما زال الهاتف يأتي بمنفذ الـ USB التقليدي الـ Lightning .
  • لا يدعم الهاتف نظام الاذاعة الراديو.
  • لا يدعم الهاتف مدخل السماعات القياسي 3.5 مم.
  • لا يوجد مستشعر لبصمة الإصبع كما هو الحال مع هواتف سامسونج والعديد من الهواتف الرائدة الأخرى وتم الاكتفاء بمستشعر التعرف على الوجه فقط.
  • لا تزال شريحة الـ eSIM غير مدعومة في مصر حالياً .
  • لم يتم تغيير مدخل الشحن منذ الإصدار iPhone 6، بالإضافة إلى أن الهاتف لا يدعم مدخل السماعات ويجب إضافتها في غير وقت الشجن.
  • تكلفة الهاتف عالية جدًا مقارنة مع الهواتف التي تأتي من الشركات الأخرى مثل نوت 10 بلس و هواوى ميت 30 برو و Google Pixel 4 XL.
  • النسخة الأصغر من الهاتف لا تُعد قابلة للاستخدام، فمساحة 64 جيجا بايت، لا تناسب هاتف بسعر 21 ألف جنيه.
  • شكل النوتش قديم نسبًيا كما ان أقل مساحة تخزين 64 جيجا كان لابد من استبدالها بـ 128 جيجا على الأقل .
  • لا يوجد تغيير جذري بخلاف حجم الشاشة وسعة البطارية فقط مقارنةً بالـ iPhone 11 Pro .
  • تم تصنيع الموبايل بالزجاج من الخلف والأمام وهذا أمر لا بد منه لكي يدعم خاصية الشحن اللاسلكى ولكن من ناحية أخرى يتسبب هذا الزجاج فى ثقل وزن الجهاز مما يجعلة عرضة أكثر للكسر لذلك عليك أستخدام جراب واقي للحماية من الكسر والخدوش.

الخلاصة:

أبل قدمت موبايل قوي جدًا ومتوازن وتحس إن هي بالموبايل ده بتقول أنا لسة هنا في المنافسة ومخرجتش من السباق، وده طبعًا يعتبر أكبر تطور لأبل تقريبًا في الفترة دي من كاميرات وشاشة وتجربة صوت وجودة الخامات والتصميم، ولكن العيب الأكبر هنا هو التسعير الكبير ده وكمان الفرق العملاق بين النسخ اللي ذاكرتها قليلة واللي ذاكرتها أكبر ده غير الضرائب اللي بتخلي السعر أصلًا أكبر بكتير.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *