![مراجعة موبايل realme C17 ناس فونز مراجعة موبايل realme C17](https://nasphones.com/wp-content/uploads/2021/02/realme-C17--800x500.png)
نبدأ مراجعة جديدة مع موبايل جديد وهو realme C17…
شركة ريلمي أطلقت أرخص إصداراتها بشاشة ترددها 90 هرتز، لتنافس به كل إصدارات الفئة دي وحتى الأغلى، ودا المعروف عن سلسلة الـ C من ريلمي إنها بتقدم إصدار فيه ميزة مش موجودة في باقي الإصدارات…
لكن هل بيكون فيه توازن بين باقي الإمكانيات والسعر في مقابل الميزة دي؟ دا اللي هنعرفه من خلال مراجعتنا الشاملة عن الجهاز واللي هنوضحلكم فيها كل مميزاته وعيوبه، ومواصفاته عشان تقدر تقرر قيمة الجهاز إيه بالظبط بالنسبالك.
لكن قبلها، خلونا نفكركم بخدمة تهمكم وهتساعدكم أكتر في اختيار الجهاز المناسب لكل حد بيفكر يشتري جهاز جديد، وهي خدمة “اختار موبايلك” واللي بيقدمها موقــــع ناس فـــونـــز، ودي خدمة هتساعدك في إنك تختار الجهاز المناسب ليك، عن طريق ترشيحاتنا، واللي بتكون بِناءًا على طلبك واللي أنت محتاجه في جهازك؛ ودا علشان تكون ببساطة قادر تختار الجهاز اللي يلبي احتياجاتك، ويتناسب مع قدرتك الشرائية من غير أي تردد.
ويلا نبدأ مراجعتنا بتصميم الموبايل…
تصميم موبايل realme C17:
أولًا خامات الموبايل:
خامات موبايل realme C17 بتيجي من البلاستيك بالكامل كعادة كل إصدارات ريلمي من الفئة دي.
ثانيًا التصميم الخارجي:
تصميم الكاميرات:
الموبايل بييجي بأربع كاميرات خلفية في شكل فريم مستطيل بارز نوعًا ما عن ضهر الموبايل، دا بالإضافة لوجود فلاش أحادي من نوع ليد فلاش موجود مع الكاميرات الخلفية في نفس الفريم المستطيل.
بالنسبة يقي للكاميرا الأمامية فهي بتيجي في شكل نوتش أعالى يسار الشاشة.
أبعاد الموبايل:
أبعاد الجهاز 164.1×75.5×8.5 ملم.
وزن الجهاز 188 جرام، ودا بيخلي التحكم في الفون بإيد واحدة صعب شوية.
الجهاز متوفر بألوان الأزرق، واللون الأخضر.
شاشة موبايل realme C17:
الشاشة من نوع IPS LCD، وبتيجي بشكل الثقب.
مساحة الشاشة 6.5 إنش، بجودة الـ HD، وبدقة 720×1600 بكسل، يعني بمعدل كثافة بكسلات 270 بكسل لكل إنش.
الشاشة بتدعم أبعاد العرض بنسبة 20:9 لعرض محتوى أكبر، بالإضافة لإنها بتشغل من مساحة الواجهة الأمامية نسبة 90%.
الشاشة بتدعم معدل التردد الأعلى الـ 90Hz للحصول على أفضل تجربة ممكنة أثناء الاستخدام، دا بجانب دعمها أيضًا لوضع الـ Dark Mode لتحويل الهاتف بالكامل للون الأسود.
يوجد طبقة حماية على الشاشة لكن مش معلن من أي جيل.
جميع فتحات الجهاز بتيجي مقاومة للماء بإحكام.
ميزة إن الشاشة ترددها 90 هرتز دي ميزة هايلة طبعًا في أجهزة الفئة السعرية دي، لكن في المقابل الشاشة جودتها مش FHD، ودا للأسف المقابل، واللي مكناش نحب أبدًا إن جودة الشاشة تبقى HD بس عشان تقدملنا تردد عالي في المقابل.
أما بالنسبة لأداء الشاشة فهي هتقدملك سطوع عالي، وتشبع ألوان حلو أوي، مع مساحة الشاشة الكبيرة هتضمنلك تجربة مشاهدة ممتعة فعلًا.
كاميرات موبايل realme C17:
الكاميرا الأمامية:
بتيجي بدقة 8 ميجا بكسل، بفتحة عدسة F/2.0.
الكاميرا الخلفية في الموبايل كاميرا رباعية حيث:
الكاميرا الأولى، ودي بتيجي بدقة 13 ميجا بكسل، بفتحة عدسة F/2.2.
الكاميرا الثانية، بتيجي بدقة 8 ميجا بكسل، بفتحة عدسة F/2.2، وهي الخاصة بالتصوير الواسع.
الكاميرا الثالثة، بتيجي بدقة 2 ميجا بكسل، بفتحة عدسة F/2.4، وبتكون خاصة بالتصوير الماكرو.
الكاميرا الرابعة والأخيرة، دقتها 2 ميجا بكسل، وفتحة عدستها F/2.4، وهي B&W، بالإضافة إلى فلاش أحادي من نوع ليد فلاش.
الجهاز بيدعم تصوير الفيديوهات بجودة الـ FHD، وبدقة 1080 بكسل، بمعدل التقاط 30 إطار في الثانية، بالإضافة لدعمه التصوير بجودة الـ HD بدقة 720 بكسل، بمعدل التقاط 30 إطار في الثانية.
أداء الكاميرات بشكل عام للأسف مش أحسن حاجة في الفئة السعرية دي، مع العلم إن في أجهزة كتير بنفس السعر دا وأداء الكاميرات فيها أحسن بكتير…
الكاميرات هنا هتقدملك صور بجودة، ودقة مقبولين، والوضوح فيهم حلو أوي يعني هتلاقي إن أداء الكاميرا مُرضي بشكل كبير للمستخدم.
البصمة والزيادات:
البصمة:
الجهاز بيدعم مستشعر البصمة، وبتيجي مدمجة في زر الباور، دا بجانب دعمه لخاصية الـ face unlock عن طريق الكاميرا الأمامية.
وأيضا بيدعم عدة مستشعرات أخرى زي:
- مستشعر التقارب.
- مستشعر التسارع.
- مستشعر البوصلة.
- مستشعر الجيروسكوب لدعم نظارات الواقع الإفتراضي ال VR.
البلوتوث بييجي بإصدار 5.0، مع دعمه لخاصيتي الـ A2DP, LE.
يدعم الواي فاي، تردداته a/b/g/n/ac، وكمان بيدعم لـ Dual-band, Wi-Fi Direct, hotspot.
الجهاز بيدعم الـ GPS بسرعة ودقة عالية، ودا بجانب دعمه إلى A-GPS GLONASS, BDS.
نظام تشغيل الجهاز هو الأحدث الـ Android 10، مع واجهة ريلمي الجديدة الـ Realme UI.
أما منفذ الـ USB فبييجي من النوع الأحدث الـ Type – C 2.0، مع دعمه لخاصية الـ OTG.
يدعم الهاتف منفذ الـ 3.5 ملم الخاص بسماعات الأذن، وكعادة كل إصدارات ريلمي مابتجيش سماعات أذن في العلبة مع الجهاز، فإنت مضطر تشتري سماعات بديلة.
الجهاز للأسف لا يدعم الميكروفون الثانوي الخاص بعزل الضوضاء، واللي بيكون مسؤول عن إدخال صوت معين بعيدًا عن باقي الأصوات والدوشة حواليه سواء خلال المكالمات أو تسجيل الفيديوهات.
وكأداء صوت بشكل عام نقدر نقول إنه عالي وجودته كويسة أوي، وهيقدملك تجربة أداء مُرضية.
أداء موبايل realme C17:
سعة الذاكرة الصلبة للجهاز 128 جيجا بايت، من نوع UFS 2.1، مع ذاكرة عشوائية بسعة 6 جيجا بايت من نوع LPDDR4X.
بالإضافة لدعم الجهاز لإمكانية زيادة السعة التخزينية عن طريق كارت ميموري حتى سعة 256 جيجا بايت.
أما بالنسبة للأداء فالمعالج ثماني النواة من شركة كوالكم من نوع ،Snapdragon 460، بتكنولوجيا الـ 11 نانو، مع معالج رسومي من نوع Adreno 610.
بالنسبة للمعالج فهو أقوى شوية من المعالج الـ Snapdragon 450، وللأسف أداء المعالج هنا بطئ جدًا، ومش سلس وفي الاستخدامات التقيلة هيتقل معاك ولو انت جيمز الجهاز مش هيناسبك خالص، لإنه بالنسبة للفئة السعرية هتلاقي أجهزة كتير بمعالج أقوى وفي نفس السعر دا.
بطارية موبايل realme C17:
سعة بطارية الجهاز 5000 مللي أمبير، والجهاز بيدعم الشحن السريع بقوة 18 وات.
كمان هنا الجهاز بيدعم خاصية الشحن العكسي، ودي بتمكنك من استخدام الجهاز (كباور بانك) أو مصدر للطاقة، وبيكون دا عن طريق كابل الـ OTG، دا غير إن أدائها وصمودها طول اليوم حقيقي بيكون ممتاز مع سعتها الكبيرة فمش بتكون محتاج تشحنها أكتر من مرة في اليوم.
محتويات علبة موبايل Realme C17:
موبايلRealme C17.
إسكرينة لحماية الشاشة تم وضعها بشكل مسبق على شاشة الموبايل وبتكون من البلاستيك.
رأس الشاحن بقوة 18 وات.
كابل USB من نوع Type C.
جراب ظهر شفاف لحماية الموبايل من الخرابيش.
دبوس معدني.
كتيب التعليمات يوضح كيفية إستخدام الموبايل.
سعر موبايل realme C17:
سعر الجهاز 3300 جنيه مصري، أي ما يعادل تقريبًا 212 دولار أمريكي.
الرأي النهائي في موبايلrealme C17:
المميزات:
- منفذ الـ USB من النوع الأحدث الـ Type C.
- يدعم تشغيل شريحتين، وكارت ميموري في نفس الوقت.
- ذاكرة صلبة وعشوائية كبيرة جداً تكفي ملفاتك وتطبيقاتك بصورة ممتازة.
- يدعم الموبايل الشحن السريع بقوة 18 وات.
- شاشة تدعم معدل التردد الأعلى الـ 90Hz لتقديم تجربة فريدة من نوعها في هذا السعر.
- البطارية ما زالت تصمد للعمل لفترة طويلة خلال اليوم حتى مع الاستخدام المكثف فلن تحتاج إلى شحنها بصورة متكررة.
العيوب:
- لا يدعم وجود لمبة الاشعارات.
- مفيش هاند فري.
- كنا نطمح أن يأتي الهاتف بشاشة FHD.
- يفتقد الموبايل إلى الميكروفون الثانوي الخاص بعزل الضوضاء أثناء الاستخدام.
- البطارية تقدم أداء جيد جدًا.
- لم يتم استخدام معالج قوي في هذه الفئة السعرية.
- أداء الكاميرات مش الأفضل في الفئة السعرية دي.
الخلاصة:
بعد ما وضحنا كل مميزات وعيوب الجهاز دا، وراجعنا مواصفاته كاملة، نقدر نقول إن مافيش فرق بينه وبين أي إصدار من نفس السعر غير تردد الشاشة العالي، لكن مع الأسف أداء المعالج بقي ضعيف، وحتى الكاميرات مش مميزة خالص في الإصدار دا…
في النهاية اختيارك لأي جهاز هيكون بُناء على تجربتك الشخصية، وأنت بس اللي تقدر تحدد قيمته بالنسبالك إيه.