مراجعة موبايل Nokia 2.4

الجهاز اللي هنتكلم عنه النهاردة من نوكيا هو Nokia 2.4، اللي قدر يميز نفسه عن باقي إصدارات الفئة المتوسطة من نفس الشركة ومن الشركات المنافسة ببطاريته الممتازة وتحديثاته المستمرة…

وعلشان كدا إحنا مهتمين نستعرض كل تفاصيل الجهاز دا من حيث إمكانياته ومميزاته وعيوبه؛ علشان تقدر تفرق ما بينه وما بين الإصدارات التانية اللي في نفس الفئة السعرية دي، وتعرف كمان قيمة الجهاز إيه بالنسبالك وهل يستحق إنك تشتريه فعلًا ولا لا! 

فهنبدأ دلوقتي المراجعة الشاملة معاكم كالعادة ونتمنى تكون وافية ومُرضية، بس قبلها حابين نفكركم بخدمة تهمكم وهتساعدكم أكتر في اختيار الجهاز المناسب لكل حد بيفكر يشتري جهاز جديد، وهي خدمة “اختار موبايلك” اللي بيقدمهالك موقع نــاس فــونز.

الخدمة دي هتساعدك في إنك تختار الجهاز المناسب عن طريق ترشيحنا ليك بِناءًا على طلبك، واللي انت عايزه ومحتاجه يكون متوفر في جهازك من مواصفات وامكانيات؛ علشان ببساطة تكون قادر تختار الجهاز اللي اتعمل مخصوص لإشباع حاجتك و يتناسب مع ميزانيتك من غير أي قلق ولا حيرة.

ويلا نبدأ مراجعتنا بتصميم الموبايل…

تصميم موبايل Nokia 2.4:

أولًا الخامات:

 الخامات في الجهاز دا من البلاستيك عالي الجودة، البولي كاربونيت ودا المعتاد من نوكيا في أجهزة الفئة السعرية دي.

ودي حاجة تحسب لشركة Nokia لانها دايما بتهتم جدا بالخامات اللي بتصنع منها الاجهزة بتاعتها، ودا لأنها بتكون خامات من جودة محترمة جدا، مقارنة بالفئة السعرية دي، فانت هتحس إنك ماسك موبايل مش رخيص خالص.

ثانيًا التصميم الخارجي:

 

 

•  الجهاز بييجي بأبعاد 165.85×76.30×8.69 ملم 
• وزن الجهاز 189 جرام، ودا وزن تقيل نسبيًا كعادة كل إصدارات نوكيا، ودا بسبب حجم البطارية الكبير جدا في الموبايل.
• الجهاز متوفر بألوان البنفسجي، وباللون الفحمي، وكذلك بالأزرق البحري.

لحد دلوقتي مفيش أي إعلان رسمي عن طبقة حماية على الشاشة، لكنه بيجي عليه اسكرين عادية للحماية.

شاشة موبايل Nokia 2.4:

 

 

• الشاشة من نوع IPS LCD وبتيجي بنوتش من نوع الـ Water ،Drop ودي بتكون بحجم قطرة الماء ومش بتاخد حيز كبير من الشاشة 
• مساحة الشاشة 6.5 إنش بجودة الـ HD و بدقة 720×1600 بكسل، يعني بمعدل كثافة بكسلات 270 بكسل لكل إنش.
• الشاشة هنا بتدعم أبعاد العرض الجديدة بنسبة 20:9 ودا بيخلي محتوى العرض أكبر وأوضح، وبتشغل مساحة 88% من الواجهة الأمامية للجهاز.

تجربة أداء الشاشة هنا تميزت بالوضوح وكبر الحجم، دا بالإضافة إلى تشبع الألوان والسطوع والحدة اللي تعتبر خيالية في الشاشة دي…

مع دعم الشاشة لخاصية اللمس المتعدد، ونقدر نقول في النهاية إن أداء الشاشة ممتاز فعلًا بالنسبة لجهاز من الفئة السعرية دي.

كاميرات موبايل Nokia 2.4:

أولًا الكاميرا الأمامية:

•  تأتي بدقة 5 ميجا بكسل بفتحة عدسة F/2.4.

ثانيًا الكاميرا الخلفية، وهي كاميرا مزدوجة حيث:

• الكاميرا الأولى:

بتييجي بدقة 13 ميجا بكسل، وهي الكاميرا الأساسية أكيد. 

• الكاميرا الثانية: 
• ودي بتييجي بدقة 2 ميجا بكسل، ودي بتكون خاصة بالعزل وعمل البورتريه، مع فلاش أحادي من نوع ليد فلاش.

أما بالنسبة لتصوير الفيديوهات:

 فالجهاز يدعم تصوير الفيديوهات بجودة الـ FHD، وبدقة 1080 بكسل بمعدل التقاط 30 إطار في الثانية.

بالإضافة إلى دعمه التصوير بجودة الـ HD، وبدقة 720 بكسل بمعدل التقاط 30 إطار في الثانية.

 

 

بصراحة أنا شايف إن اداء الكاميرات هنا ممتاز جدا بالنسبة إلى الفئة السعرية دي، و هتقدملك جودة صور حلوة خصوصا في ضوء النهار، لكن في الإضاءات البسيطة جودة الصور بتقل شوية وبيظهر فيها تشويه بسيط، وطبعا هو دا الطبيعي بالنسبة إلى الفئة السعرية دي، وإن كان وضع النايت مود بيحسن جودة الصور دي شويه.

البصمة والزيادات:

• الجهاز يدعم مستشعر البصمة، وبييجي في ضهر الجهاز ودا بيخلي البصمة عملية وسهلة أكتر، مع دعم الموبايل لخاصية الـ face unlock.

بالإضافة إلى دعمه عدة مستشعرات أخرى زي:

•  مستشعر التسارع.
•  مستشعر التقارب.
• نظام تشغيل الجهاز هو Android 10، ودا أحدث نظام تشغيل مع واجهة الأندرويد الخام الـ Android One، بالإضافة كمان إلى إمكانية تحديث النظام إلى Android 12 فور نزوله.
• البلوتوث بييجي 5.0 مع دعمه لخاصيتي الـ A2DP, LE.
•  الواي فاي تردداته b/g/n، بالإضافة إلى دعمه لخاصية الـ hotspot.

الجهاز يدعم الـ GPS بدقة وأداء كويس جدًا، مع دعمه لأنظمة الملاحة الأخرى زي: الـ A-GPS ،GLONASS ،BDS.

أما منفذ الـ USB، فبييجي من نوع Micro USB ودا النوع القديم مع دعمه لخاصية الـ OTG.

صوت موبايل Nokia 2.4:

الجهاز يدعم الميكروفون الثانوي الخاص بعزل الضوضاء، ودا المسؤول عن إدخال صوت معين بعيدًا عن باقي الأصوات والدوشة حواليه زي صوت الهوا مثلًا، ودا بيكون أثناء استخدام الجهاز سواء في المكالمات أو وقت تسجيل الفيديوهات.

يدعم الجهاز أيضًا منفذ الـ 3.5 ملم الخاص بسماعات الأذن، بجانب دعمه للراديو FM.

وعامةً، الجهاز بيضمنلك تجربة أداء صوت عالية جدًا تتميز بالنقاء والعمق كعادة أصوات كل إصدارات نوكيا العالية.

أداء موبايل Nokia 2.4:

 

 

سعة الذاكرة الصلبة للجهاز 32 جيجابايت، وهي من نوع eMMC 5.1، مع ذاكرة عشوائية بسعة 2 جيجابايت.

بالإضافة إلى دعم الجهاز لإمكانية زيادة المساحة التخزينية، عن طريق كارت ميموري حتى سعة 512 جيجابايت.

وبالنسبة للأداء، فالمعالج ثماني النواة من نوع Helio P22 lk شركة ميديا تيك، بتكنولوجيا الـ 12 نانو مع معالج رسومي من نوع PowerVR GE8320.

أداء المعالج يعتبر من مقبول الى جيد في الاستخدامات اليومية العادية، فهتحس بالسلاسة، والسرعة ما دام استخدامك للجهاز خفيف ومش تقيل، وإلا فهتلاحظ أنه بدأ يهنج منك ويتقل معاك.

وكذلك الوضع بالنسبة للجيمز الخفيفة، الأداء بتاعها هيكون معاك كويس جدًا، أما الأداء خلال الجيمز التقيلة فهتلاقيه سيء جدًا، ودا المتوقع طبعًا بالنسبة لجهاز بالسعر والمعالج دا.

بطارية موبايل Nokia 2.4:

• سعة البطارية 4500 مللي أمبير، مع شاحن بقوة 5 وات.

وعلى الرغم من إن سعة البطارية مش صغيرة وبتصمد لفترات طويلة تصل ليومين، إلا إن وجود شاحن 5 وات مكنش أبدًا من مميزاتها؛ لأنها بكدا هتاخد وقت طويل جدًا على ما تشحن ممكن يوصل لأكتر من ساعتين ونص.

لكن الميزة اللي في البطارية هنا ولازم نتكلم عنها، هي إنها مدعومة بتقنية الذكاء الاصطناعي اللي بيحدد أولويات إمداد الطاقة لبعض التطبيقات دون غيرها، ودا بيكون حسب اختيارك وبالتالي تقدر تطول عمر البطارية معاك أكتر خلال الاستخدام اليومي. 

 

 

فتح علبة موبايل Nokia 2.4:

• موبايل Nokia 2.4.
• رأس شاحن عادي بقوة 5 وات + كابل USB من نوع microUSB.
• جراب ظهر شفاف لحماية ظهر الموبايل.
• كتيب الإرشادات + ضمان الهاتف.
• دبوس معدني للتحكم في منفذ الشرائح.

سعر موبايل Nokia 2.4:

سعر الجهاز 1800 جنيه مصري، أي ما يعادل 115 دولار أمريكي.

الرأي النهائي في موبايل Nokia 2.4:

المميزات:

• يدعم مستشعر البصمة .
• شاشة كبيرة تقدم أداء مقبول لا بأس به .
• تصميم أحدث مع خامات محترمة من نوكيا .
• البطارية تقدم أداء جيد خلال اليوم بأكمله .
• الـ Night Mode يقدم أداء مقبول في الكاميرا الخلفية .
• تحديث مضمون حتى أندرويد 12 فالتحديث من جوجل مباشرةً .

العيوب:

• لا يدعم مستشعر البوصلة .
• حافة سفلية كبيرة للشاشة .
• الأداء ليس الأفضل فالمعالج قديم نسبيًا .
• منفذ USB من النوع القديم الـ Micro USB .
• سطوع الشاشة تحت ضوء الشمس المباشر ليس الأفضل .
• الشحن الـ 5 واط غير منطقي مع سعة البطارية حيث ستستغرق بذلك أكثر من 3 ساعات .

الخلاصة:

جهاز بالإمكانيات دى والسعر الاقتصادي الحلو جدًا دا، هكون أول المرشحين ليه لكل الفئات اللي يهمها جهاز للإستخدام اليومي الخفيف يعني ما دام استخدامك للموبايل بعيدًا عن الاستخدام التقيل، فالجهاز دا هيعيش معاك، وهيتحمل كتير سواء من حيث الخامات أو الإمكانيات وأنا بعتبر الجهاز أفضل أجهزة الفئة السعرية الاقتصادية دي.