مراجعة موبايل realme 7 Pro
realme 7 Pro

تعتبر شركة ريلمي شركة حديثة مقارنةً بالشركات الأخرى، لكن بالرغم من كدا إلى أنها أثبتت نفسها كذا مره ورى بعض بالذات في نقطة القيمة… 

الشركة بشكلًا ما بتقدر تحطلك مميزات قوية جدًا، مع تنازلات ذكية جدًا وسعر لا يصدق وأكيد طبعًا دا شفناه مع يلمي 6 برو، وريلمي 6 اللى ما زال بينال واحد من أفضل الترشيحات المهمة جدًا في الموبايلات، بس دلوقتي جه الدور على الجيل الجديد ومعنا موبايل جديد من شركة ريلمي وهو realme 7 pro، واللى من خلال مراجعتنا ليه هنقدر نعرفك أهم مميزاته وأهم عيوبه، أي شئ يتعلق بموبايل realme 7 pro…

ومن خلال المراجعة دي هنقدر نعرف هل الموبايل دا يستحق الشراء أم لا؟

بس الأول وقبل أي حاجه تعالوا نعرفكوا على أجدد خدمتنا واللى مش موجودة عن حد تاني وهي خدمة “اختار موبايلك” واللي بيقدمها موقــــع ناس فـــونـــز واللى من خلالها هنقدر نرشحلك أنسب موبايل ليك بكل سهوله ومن غير ما تتعب نفسك في الحيرة ما بين كل الاصدارات اللى موجودة في السوق، بس كل اللى عليك إنك تكتب المواصفات والإمكانيات اللى محتاجها إنها تكون موجودة في الموبايل اللى نفسك تشترية، وإيه هي العيوب اللى مش هتقدر تشوفها في الموبايل، احنا نرشحلك أنسب موبايل ليك وبالإمكانية السعرية اللى أنت عايزها.

ويلا نبدأ مراجعتنا بتصميم الموبايل…

تصميم موبايل realme 7 Pro:

أولًا خامات الموبايل:

زي ما تعودنا من شركة ريلمي، خامات موبايل realme 7 pro من البلاستيك سواء كان الضهر أو الفريم.  

ثانيًا التصميم الخارجي:

تصميم كاميرات :

الموبايل بيييجي بـ 4 كاميرات خلفية مرصوصين في شكل مستطيل بارز نوعًا ما عن ضهر الموبايل، بالإضافة لوجود فلاش أحادي من نوع ليد فلاش موجود مع الكاميرات في نفس المستطيل.

بالنسبة للكاميرا الأمامية في موجودة في شكل ثقب أعلى يسار الشاشة.

 

تصميم موبايل realme 7 Pro
تصميم موبايل realme 7 Pro

 

أبعاد الموبايل: 

الموبايل بييجي بأبعاد 160.9×74.3×8.7 ملم.

ووزن 182 جرام، ودا وزن خفيف يعني مش هيبقى متعب لو قررت تستخدمة لفترات طويلة من الوقت سواء كنت بتشتغل أو بتلعب علية.

شاشة موبايل realme 7 Pro:

الشاشة بتيجي بشكل الثقب، من نوع Super AMOLED، بمساحة 6.4 إنش، مع جودة الـ FHD، بدقة 1080×2400 بكسل، بمعدل كثافة بكسلات411 بكسل لكل إنش، مع معدل تحديث 60Hz، مع وجود طبقة حماية على شاشة الموبايل من نوع Corning Gorilla Glass الجيل الثالث.

وتدعم الشاشة خاصية الـ Always on display لعرض الاشعارات على الموبايل في حالة قفل الشاشة، كما أنها تدعم أبعاد العرض الجديدة بنسبة ،20:9 مع دعمها لوضع الـ Dark Mode لتحويل شاشة الهاتف بالكامل إلى اللون الأسود أثناء استخدامه، واللي أصبح ميزة كتير من الناس بقت بدور عليها وخصوصًا بعد ما استخدموها وريحتهم من درجة سطوع الشاشة اللى بتبقى عليا ومضرة للعين، ودا دليل على أن الشركة مهتمة برغبة مستخدميها مما يجعلها تكسب نقطة تفوق، وأيضًا جعلها تستحوذ على السوق في ظل المنافسة الكاملة.

كما تحتل الشاشة نسبة 90.8% من الواجهة الأمامية كما أعلنت الشركة أن الموبايل بأكمله عبارة عن شاشة.

بالنسبة للألوان في الـ 7 pro فهي حلوة جدًا وواضحه، وزي ما بيقولوا اللون الأبيض فيها أبيض فعلًا مش داخل على أصفر زي موبايل ريلمي 7.

 

شاشة موبايل realme 7 Pro
شاشة موبايل realme 7 Pro

 

بالنسبة لجودة المشاهدة في الشاشة دي لو هتتفرج على فيديوا أو هتلعب جيمز هتكون أحلى وبألوان أقوي.

في العموم احنا شايفين أن الشاشة كاجودة، وألوان وغيرها من مميزات في الشاشة تعتبر كويسة جدًا بالنسبة للفئة السعرية اللى الموبايل موجود فيها.

كاميرات موبايل realme 7 Pro:

الكاميرا الأمامية:

بتييجي بدقة 32 ميجا بكسل، وبفتحة عدسة F/2.5.

الكاميرا الخلفية في الموبايل كاميرا رباعية…

الكاميرا الأولى، بتيجي بدقة 64 ميجا بكسل، بفتحة عدسة F/1.8، بمستشعر من نوع Sony IMX682، وهي الكاميرا الأساسية في الموبايل.

الكاميرا الثانية، بتيجي بدقة 8 ميجا بكسل، بفتحة عدسة F/2.3، ودي بتكون خاصة بالتصوير الواسع.

الكاميرا الثالثة، ودي دقتها 2 ميجا بكسل، بفتحة عدسة F/2.4، وهي الخاصة بتصوير الماكرو. 

الكاميرا الرابعة والأخيرة، دقتها 2 ميجا بكسل، وفتحة عدستها F/2.4، ودي B&W، وطبعًا مع فلاش أحادي من نوع ليد فلاش.

فالجهاز يدعم تصوير الفيديوهات بجودة الـ 4K، بدقة 2160 بكسل، بمعدل التقاط 30 إطار في الثانية.

بالإضافة إلى دعم الجهاز للتصوير الـ FHD بدقة 1080 بكسل، بمعدل التقاط 30 إطار في الثانية، وأيضًا التصوير الـ HD بدقة 720 بكسل، بمعدل التقاط 30 إطار.

كما يدعم التصوير الـ Slow Motion، بجودة الـ FHD، بدقة 1080، بمعدل التقاط 120 إطار في الثانية، كما يدعم التصوير بجودة الـ HD بدقة 720 بكسل بمعدل التقاط 240 إطار في الثانية .

وتدعم الكاميرا إمكانية تثبيت الفيديو عن طريق وضعي الـ UIS ،Video Stabilization والـ UIS Max Video Stabilization.

 

كاميرات موبايل realme 7 Pro
كاميرات موبايل realme 7 Pro

 

بالنسبة لأداء الكاميرا الأساسية فهي حلوة جدًا، وفيها تفاصيل كتير وواقعية أكتر، يعني نقدر نقول عليها مناسبة جدًا في الفئة السعرية دي.

بالنسبة لأداء كاميرا السلفي وبصراحة شايفين من النظرة الأولى كدا إن زاوية الصورة أعرض، وكمان الألوان كويسة جدًا، بس بردو شايفين أنها محتاجة تفاصيل أكتر لسه.

نييجي للتصوير في الإضاءة الليلية هنا الموبايل هنلاقيه بيقدم أداء كويس بالنسبة للفئة اللى نازل فيها.

أداء الموبايل في تصوير الفيديو في موبايل realme 7 pro يعتبر كويس، وثابت أكتر من الاصدار السابق.

في العموم نقدر نقول أن أداء الكاميرات كويسة زي ما تعودنا شركة ريلمي.

البصمة والزيادات:

البصمة:

الجهاز يدعم مستشعر البصمة، وبتيجي مدمجة في زر الباور، ودا بيخليها سريعة وعملية وسهلة جدًا، كمان بيدعم خاصية الـ face unlock من خلال الكاميرا الأمامية. 

يدعم الموبايل أيضًا عدة مستشعرات أخرى زي:

  • مستشعر البوصلة.
  • مستشعر التسارع.
  • مستشعر التقارب.
  • مستشعر الجيروسكوب الخاص بنظارات الواقع الافتراضي الـ VR.

الواي فاي بييجي بترددات الـ a/b/g/n/ac، وبيقدم أداء قوي جدًا، بالإضافة إلى دعم للـ Dual-band, Wi-Fi Direct, hotspot.

البلوتوث بييجي بإصدار 5.0 مع دعمه لخاصيتي الـ A2DP, LE.

الجهاز يدعم الـ GPS بالإضافة إلى دعمه لأنظمة ملاحة أخرى زي الـ  A-GPS, GLONASS, BDS, NavIC.

أما عن منفذ الـ USB، بييجي من النوع الحديث الـ Type C، بالإضافة لدعمة خاصية الـ OTG.

وبالنسبة لنظام التشغيل، فهو من النوع الأحدث  android 10 مع واجهة ريلمي الـ Realme UI.

السماعات الخارجية بتيجي بصوت استريو.

الموبايل يدعم  منفذ الـ 3.5 ملم الخاص بسماعات الأذن.

أداء موبايل realme 7 Pro:

 أما عن الأداء الموبايل فهو بييجي بمعالج كوالكوم، من نوع Snapdragon 720G، بتكنولوجيا الـ 8 نانو.

مع معالج رسومي من نوع Adreno 618، وهو نفس معالج ريلمي السابق الـ Realme 6 Pro.

 

أداء موبايل realme 7 Pro
أداء موبايل realme 7 Pro

 

بالنسبة للأداء العام للموبايل كتقيم فهو بييجي في المرتبة الثالثة من معالجات الفئة السعرية دي، أينعم هو مش أسرع أداء هتاخده بس بشكل عام الأداء مريح في الاستخدام اليومي، وفتح وقفل التطبيقات خصوصًا مع الـ 8 جيجا رام والواجهة الخفيفة زي واجهة ريلمي، بس اللي مش أقل من المنافسين بقي هو أداء الموبايل في الجيمز، ودا علشان فيه نفس المعالج الرسومي اللى في معظم موبايلات الفئة الأغلى منه…

كول أوف ديوتي شغاله لحد vrey هاي جرافك، بأداء سلس جدًا، وبابجي شغاله بأداء بأروع ما يكون.

يعني في العموم الموبايل هيقدملك أداء حلو جدًا سواء في اللعب أو استخدام التطبيقات.

ممكن تبص علي: سعر و مواصفات شاومي Poco X4 Pro 5G

بطارية موبايل realme 7 Pro:

سعة البطارية 4500 مللي أمبير، مع دعمها للشحن السريع الـ Super Dart  Charge، بقوة 65 وات، ودا شحن سريع جدًا يعنى هيشحن 35% في 10 دقائق بس وأكيد احنا عارفين لإن دي حاجة مهمة لأي شخص سواء كان هيستخدم الموبايل في الشغل، أو الجيمز.

 

بطارية موبايل realme 7 Pro
بطارية موبايل realme 7 Pro

 

محتويات علبة موبايل realme 7 Pro

موبايل Raelme 7 pro.

اسكرينة لحماية الشاشة تم وضعها بشكل مسبق على شاشة الموبايل وبتكون من البلاستيك.

رأس الشاحن بقوة 65 وات.

كابل الـ USB نوع الـ Type C.

جراب ظهر شفاف لحماية الموبايل من الخرابيش.

دبوس معدني.

كتيب التعليمات يوضح كيفية إستخدام الموبايل.

كتيب ضمان.

سعر موبايل realme 7 Pro:

الجهاز متوفر في الاسواق بسعر 5990 جنيه مصري، للنسخة 128 جيجا، مع 8 جيجا رام.

الرأي نهائي في موبايل realme 7 Pro:

المميزات:

  • يدعم الموبايل تصوير الفيديوهات بجودة الـ 4K.
  • أداء جيد من الكاميرات سواء خلفية أو أمامية.
  • يدعم استخدام شريحتين، وكارت ميموري في نفس الوقت.
  • البطارية ما زالت تقدم أداء جيد وتعمل لفترة طويلة خلال اليوم.
  • شاحن بقوة 65 وات.
  • السماعات الخارجية تدعم الصوت الاستريو لتقدم تجربة صوتية أفضل.
  • الشاشة بتقدم أداء ممتاز بصفة عامة سواء كان في سطوع الشاشة العالي، أو ألوانها الممتازة.
  • أداء البصمة سريع جدًا كعادة موبايلات ريلمي.
  • وزن الموبايل مناسب، وأبعاده في الايد ممتازة للاستخدام بيد واحدة.

العيوب:

  • مفيش لمبة إشعارات.
  • التصميم من البلاستيك للأسف.
  • الحافة السفلية للشاشة كبيرة نسبيًا.
  • لا يدعم راديو الـ FM.

الخلاصة:

وصلنا خلاص لنهاية مراجعتنا مع موبايل realme 7 pro…

والصراحة احنا شايفين إن الموبايل في كتير من المميزات زي ما متعودين من شركة ريلمي، واللي تخليه صفقة مثيرة جدًا سواء كان للناس اللي هتستخدمه في شغلها، أو الفئة اللي بتحب الجيمز الكتير، فالشركة هنا قدمت موبايل يرضي جميع الأطراف علشان كدا احنا شايفينه صفقة مثالية للي يفكر يشتري موبايل realme 7 pro. 

اعرف برضه: سعر و مواصفات شاومي Poco M4 Pro 4G

التعليقات
اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *