تعود إلينا من جديد شركة ريلمي بهاتف إقتصادي آخر وهو realme C11، بتصميمٍ شبابي ومعالج قوي، أداؤه بيميل أكتر للإقتصادية، بأحدث نظام أندرويد وكاميرا ثنائية.
يهتم الموبايل بتقديم أقوى تجربة إقتصادية مُمكنه واللي بيشمل بطارية ضخمة مع شاشة كبيرة بالإضافة إلى أداء إلي حدٍ ما مقبول على عكس الموبايلات الإقتصادية الأخرى.
فخلينا نبدأ مراجعتنا، بس قبلها خلونا نفكركم بخدمة تهمكم و تساعدكم أكتر في اختيار الجهاز المناسب ليكم وهي خدمة “اختار موبايلك” واللي بيقدمها موقــــع ناس فـــونـــز، ودي خدمة هتساعدك تختار جهازك المناسب عن طريق ترشيحاتنا ليك بِناءًا على طلبك واللي انت عايزه يكون موجود في موبايلك من مواصفات، وامكانيات، علشان ببساطة تكون قادر تختار الجهاز اللي اتعمل مخصوص لاحتياجاتك، وعلى قد ميزانيتك الشرائية.
ويلا نبدأ مراجعتنا بتصميم الموبايل…
تصميم موبايل realme C11:
أولًا الخامات:
تأتي خامات realme C11 من البلاستيك بالكامل، مع نقشة على ضهر الموبايل تساعد على تقليل تعرض الموبايل للخرابيش.
ثانيًا التصميم الخارجي:
ودي أول حاجة ممكن تشدك ناحية الموبايل دا على قد ما التصميم بسيط إلا إنه مُلفت وجديد ومفيش حد هيتوقع إن دا موبايل إقتصادي من التصميم بتاعه.
ممكن تبص علي: سعر و مواصفات شاومي Redmi 10C
تصميم الكاميرات:
الكاميرا الخلفية موجودة في تصميم على شكل مربع ومش بارزة جامد عن الظهر، ودا هيقلل تعرض الكاميرا للخدوش، هنلاقي كمان إن realme C11 أول موبايل إقتصادي بييجي بشكل نافذة كاميرات مختلفة ومميزة.
أبعاد الموبايل…
- يأتي الهاتف بأبعاد 164.4×75.9×9.1 ملم.
- الموبايل بييجي بوزن 196 جرام.
شاشة موبايل realme C11:
الشاشة بتيجي بحجم 6.5 بوصة، من نوع IPS LCD وبجودة الـ HD+، وبدقة 720×1600، كمان الشاشة بتدعم أبعاد عرض جديدة بنسبة الـ 20:9 ودا هيساعدك في عرض المحتوى بشكل أكبر على شاشة الموبايل، سواء في مشاهدة الفيديوهات، أو لعب الألعاب، وتدعم الشاشة وضع الـ Dark Mode لتحويل النظام بالكامل إلى اللون الأسود.
شاشة موبايلrealme C11 هي نفس شاشة موبايل Realme C3 ومعتقدش إن حد اشتكى منها.
مُجملًا ألوان شاشة C11 كويسة، وزوايا الرؤية كويسة والسطوع كويس ومعقول تحت ضوء الشمس.
الشاشة مفيش إعلان رسمي عن طبقة الحماية اللي بتكون وجودة على الشاشة، والموبايل بييجي في العلبة متركب على الشاشة سكرينة.
كاميرات موبايل realme C11:
الكاميرا الخلفية مزدوجة، الرئيسية 13 ميجا بيكسل بفتحة عدسة F/2.2، والتانية 2 ميجا بيكس بفتحة عدسة F/2.4 وهي الخاصة بالعزل والبورتريه مع فلاش خلفي أحادي من نوع ليد فلاش.
سوفت وير الكاميرا بتاع ريلمي بيدعم وضع الـ Night Mode مع إنه مكانش موجود في الـ C3 فا دي حاجة كويسة، كمان الكاميرا بتدعم الـ Chroma Boost اللي بيعزز الألوان.
مُجملًا شايفين أداء الـ realme C11 مقلش كتير عن الـC3 بل بالعكس احنا شايفين ألوان الصور طالعة أحسن في موبايل realme C11 في الإضاءات العالية وده ناتج عن فتحة العدسة الضيقة اللي بتخلي الصور أحلى في الشمس.
إنما مع الإضاءات الداخلية فتشبع الألوان وشكل الصور العام وحتى لما الدنيا بتظلم صور الـ C3 أفضل شوية بالرغم إن في Night Mode في الـ C11 ومفيش في الـ C3.
كاميرا السيلفي هي نفس الكاميرا الموجودة في موبايل C3، والأداء المجمل للكاميرا مناسب وكويس جدًا بالنسبة للفئة السعرية دي.
إلا إن في بعض الإختلافات في طريقة المعالجة والتقاط صور السيلفي
بالنسبة لتصوير الفيديوهات بموبايل Realme C11 الموبايل بيصور فيديوهات بجودة 1080p بدون تثبيت إلكتروني، وده الطبيعي في الفئة السعرية دي.
للأسف صوت الموبايل مش عالي، ونديله تقييم أقل من المتوسط نفس صوت الـC3 اللي قدم أداء مش عالي.
صوت سماعة المكالمات عالي وكويس بس للأسف مفيش تسجيل مكالمات خالص في موبايلات ريلمي الجديدة، وصوت سماعات الأذن مقبول.
أداء موبايل realme C11:
وهنا هنقف مع بعض شوية ويا ريت تركز في كلامنا الـ Realme C11 جاي بمعالج ميدياتك Helio P35 بمعمارية 12 نانو، معالج جديد ولكن هو مبني على الـ P22 يعني أداؤه مايل أكتر للإقتصادية ودا واضح من نتيجة اختبار Antutu.
ولكن مُجمل أداء الـC11 مش وحش ومش بطال لكن أحسن شوية من الـ Redmi 9A وأقل شوية عن ال Realm C3 والـ Redmi 9.
فإحنا مقابلناش أي مشاكل مع الموبايل دا من ناحية الأداء اليومي العادي في فتح البرامج والتطبيقات والتنقل بينهم.
ولكن ركز معانا بقى الـ Helio G35 بييجي بمعالج رسومي الـ PowerVR زي الـG25 وزي الـ P22 وبكدا يبقى أقل بشوية من المعالج الرسومي الـMali G52 الموجود في الـG70 والـG80.
وده مُنعكس على الأداء في الألعاب، ولما تيجي تلعب هتلاقي بعض التقطيعات البسيطة في أول الجيم وشوية وهتختفي بس هتواجها مرة تانية لو قضيت فترة طويلة في اللعب.
بطارية موبايل realme C11:
بطارية ضخمة بتيجي بحجم 5000 مللي أمبير البطارية بتوصل لأكتر من 10 ساعات استخدام فعلي للشاشة، والموبايل هيكمل يوم ونص أو يومين معاك من غير شحن.
وكعادة ريلمي منفذ شحن قديم Micro USB 2.0 وشاحن 10 وات، ودا هيخلي عملية الشحن بطيئة جدًا يعني البطارية هتتشحن في 3 ساعات تقريبًا.
فتح علبة موبايل realme C11:
موبايل Realm C11.
كُتيب التعليمات والضمان.
سلك الـ USB ويأتي من نوع Micro USB.
رأس الشاحن 5 فولت،1 امبير.
سكرين لحماية الشاشة، وبتيجي متركبة على الشاشة.
دبوس معدني لفتح منفذ شريحتي الإتصال.
سعر موبايل realme C11:
الموبايل بيتوفر في السوق المصري بنسختين :
النسخة الـ32 جيجا مع 2 جيجا رام بسعر 1990 جنيه مصري.
النسخة الـ32 جيجا مع 3 جيجا رام بسعر 2290 جنيه مصري.
الرأي النهائي في موبايل realme C11:
المميزات:
- تصميم جميل ومتميز، وتقفيل محترم للجهاز.
- يدعم تركيب شريحتي إتصال و بطاقة ذاكرة خارجية بمنفذ منفصل.
- بطارية كبيرة تدوم حتى آخر اليوم.
- الكاميرات تقدم أداء ممتاز.
- شاشة على هيئة النوتش بمساحة كبيرة تقدم أداء جيد جدًا.
- أحدث نظام تشغيل اندرويد 10 مع واجهة ريلمي الجديدة.
- يدعم الراديو الـ Fm.
- يدعم شبكات الاتصال الجيل الثاني الـ 2G والجيل الثالث الـ 3G والجيل الرابع الـ 4G.
- الهاتف يدعم الواي فاي بترددات الـ b/g/n بالإضافة لدعمه إلى الـ hotspot.
- البلوتوث يأتي بإصدار 5.0 مع دعمه لخاصيتي الـ A2DP, LE, aptX.
- يدعم الهاتف تحديد الموقع الجغرافي الـ GPS كما يدعم أنظمة الملاحة الأخرى مثل الـ A-GPS, GLONASS, BDS.
- يدعم منفذ الـ 3.5 ملم الخاص بسماعات الأذن.
- يدعم الهاتف مستشعرات التسارع والقرب والبوصلة.
العيوب:
- لا توجد لمبة إشعارات.
- لا يوجد ميكرفون إضافي لعزل الضوضاء.
- لا يوجد مستشعر بصمة.
- سمك الموبايل كبير.
- منفذ الهاتف من النوع القديم micro USB.
- المعالج مش الأفضل في الفئة السعرية دي.
- موجود بنفس سعر Realme C3i، ويعتبر C3i بمعالج أفضل والأداء أقوى، يعني كان الأفضل إن سعر الموبايل ينزل 150 جنية في النسختين علشان يقدر ينافس في الفئة دي.
الخلاصة:
ومن وجهة نظرنا لو مش معاك غير 2000 جنية مُمكن تخليك في Realme C11 وحط في دماغك ان الـ2 جيجا رام اللي فيه قليل جدًا على واجهة ريلمي والموضوع مش هيكون لذيذ.