نبدأ مراجعتنا مع موبايل جديد من سلسلة الـ Note وهو موبايل infinix Note 8i…
خلينا متفقين إن كل موبايل أيًا كانت ماركته إيه فهو ليه مميزاته وعيوبه.
النهاردة ميعادنا مع infinix Note 8i وهو النسخة الـ Lite من موبايل infinix Note 8 واللى قدم أداء كويس جدًا، وكمان في شوية فروق بسيطة بين النسختين زي:
فرق السعر بين الـ infinix Note 8i، والـ infinix Note 8، ودا يعتبر شئ مهم جدًا سواء كان في الفئة الاقتصادية أو المتوسطة.
وكمان في فرق في الشاشة والمساحة وغيره…
تعالوا نبدأ مراجعتنا ونشوف إيه هي مميزات وعيوب موبايل infinix Note 8i، وهل يستحق إنك تشتريه ولا لأ؟
بس قبل ما نبدأ تعالوا أعرفكم على خدمة سهلة وبسيطة، وكمان حصرية مش هتلاقيها موجودة عند حد، وهي خدمة “اختار موبايلك”، واللي بيقدمها مــوقــع نــاس فــون، واللى من خلالها هتقدر تعرف كل حاجة عن أي موبايل، أنت كل اللى عليك إنك تدخل تكتب المواصفات والإمكانيات اللى عايز تشوفها فى الموبايل اللى نفسك تشتريه وإحنا هنقدم لك أنسب موبايل ليك بالمواصفات والإمكانيات اللي عايزها تكون في الموبايل، بس اضغط هنــــــــا…
تصميم موبايل infinix Note 8i:
أولًا خامات الموبايل:
خامات موبايل infinix Note 8i من البلاستيك اللامع واللى هيبقى معرض للاتساخ والخدش بسهولة، وكمان هيكون معرض للتبصيم بسهولة كبيرة، لكن هتلاقي إن الجهاز عملي من ناحية الصدمات.
ثانيًا التصميم الخارجي:
تصميم الكاميرات:
الكاميرات الخلفية في موبايل infinix Note 8i هي كاميرات رباعية، موجودين في شكل مستطيل بارز شوية عن ضهر الموبايل؛ ودا هيخلي فيه فرصة كبيرة في تجريح الكاميرا، بس تقدر تحافظ عليها بإنك تشتري جراب للموبايل، أو تستخدم الجراب الموجود في علبة الموبايل، ودا هيحافظ على الموبايل بشكل عام.
بالنسبة للكاميرا الأمامية هي موجودة في ثقب أعلى يسار الشاشة، مع وجود فلاش أمامي من نوع ليد فلاش.
الأبعاد والألوان:
أبعاد الموبايل 171.4×77.7×8.9 ملم.
ألوان موبايل infinix Note 8i هي الأزرق، واللون الأخضر، وكمان الرمادي، ودي الألوان اللى شركة إنفنكس معودانا عليها دايماً فى إصداراتها.
شاشة موبايل infinix Note 8:
الشاشة هنا بتييجي بشكل الثقب الـ Infinity O.
ومن نوع IPS LCD، بمساحة 6.78 إنش، وبجودة الـ HD+، بدقة 720×1640 بكسل، وكمان بمعدل كثافة بكسلات 264 بكسل لكل إنش.
وأيضًا أعلنت الشركة عن وجود طبقة حماية من نوع Corning Gorilla Glass.
تجربة الشاشة معانا خلال الفترة اللى فاتت كانت تجربة ممتازة الصراحة، وخصوصًا في الفئة السعرية اللى نازل فيها الموبايل.
بالنسبة لاستخدامك للموبايل في المهام اليومية، الشاشة هنا يعتبر مفيهاش أي مشكلة بس ممكن تعانى منها شوية وأنت بتستخدمها تحت أشعة الشمس علشان درجة السطوع هنا مش عالية.
بالنسبة لكونها شاشة عملاقة دا هيخليها ميزة كويسة عند الناس اللي بتحب مشاهدة الفيديوهات بشكل مستمر، وعرض المحتوى على اليوتيوب.
الشاشة هنا بتييجي كاملة مع وجود ثقب الكاميرا الأمامية أعلى الشاشة.
بالنسبة لحواف الشاشة السفلية فهي كبيرة شوية، بس دا أكيد مقبول في الفئة السعرية دي.
كاميرات موبايل infinix Note 8i:
الكاميرا الأمامية:
بتييجي بدقة 8 ميجا بكسل، وهي كاميرا أساسية في الموبايل، مع وجود فلاش أمامي من نوع ليد فلاش.
الموبايل بييجي بـ 4 كاميرات خلفية:
الكاميرا الأولى، هي كاميرا أساسية في الموبايل، بتييجي بدقة 48 ميجا بكسل.
الكاميرا الثانية، بتييجي بدقة 2 ميجا بكسل، وهي خاصة بتصوير الماكرو.
الكاميرا الثالثة، موجودة بدقة 2 ميجا بكسل، وهي خاصة بعمل العزل والبورتريه.
الكاميرا الرابعة، تدعم الذكاء الإصطناعي، وبتييجي بدقة 2 ميجا بكسل، مع وجود فلاش رباعي من نوع ليد فلاش.
يدعم الموبايل تصوير الفيديوهات بجودة الـ 2K، بدقة الـ 1440 بكسل، وبمعدل التقاط 30 إطار في الثانية.
وكمان يدعم التصوير بجودة الـ FHD، بدقة 1080 بكسل، بمعدل التقاط 30 إطار في الثانية، بالإضافة لدعمه خاصية الـ Slow Motion.
بالنسبة لأداء الكاميرا الخلفية الأساسية في موبايل infinix Note 8i، فهي تعتبر ممتازة جدًا مقارنةً بالفئة السعرية اللى الموبايل نازل فيها، وهتديلك جودة صور حلوة، وألوان واضحة، وكمان الصور هيكون فيها تفاصيل كتير.
بالنسبة للكاميرا الأمامية نقدر نقول على أداءها إنه متواضع بس لو استخدمت الفلاش الأمامي الصور هتطلع معاك جميلة.
البصمة والزيادات:
البصمة:
الموبايل هنا يدعم مستشعر البصمة، واللى مكانها في الجانب الأيمن من الموبايل مدمجة مع زر الباور، وبالنسبة لأداء البصمة في موبايل infinix Note 8i فهي سريعة، بمجرد لمسك للبصمة الموبايل بيفتح بسرعة.
كمان يوجد بالموبايل خاصية الـ Face Unlock، واللى ليها مسمى تاني وهو بصمة الوجه، ويعتبر خلاص بقينا متعودين على وجودها في أي موبايل.
الموبايل بيدعم بعض المستشعرات:
1- مستشعر التسارع.
2- مستشعر القرب.
3- مستشعر البوصلة.
4- مستشعر الجيروسكوب اللي بيشتغل عن طريق السوفت وير، وهو كمان خاص بنظارات الواقع الإفتراضي الـ VR.
يدعم الموبايل المنفذ الـ 3.5 الخاص بالهاند فري.
يدعم أيضًا البلوتوث بالإصدار 5.0، بالإضافة لدعمه خاصيتي الـA2DP, LE.
وكمان الموبايل يدعم تحديد الموقع الجغرافي الـ GPS، وبيعمل على دعم خاصية الـ GPS.
يدعم الموبايل الاتصال السريع بالواي فاي بترددات الـ a\g\b\n\ac مع دعمه خاصية الهوت سبوت.
الموبايل بييجي بمنفذ الـ USB في موبايل infinix Note 8i من نوع Type C، بالإضافة لدعمه خاصية الـ OTG لتشغيل أي USB Driver على موبايلك.
يتوفر الموبايل بنظام تشغيل أندرويد 10، مع واجهة XOS 7.1.
يدعم الموبايل تشغيل شريحتين اتصال، وكارت ميموري لإحتمالية زيادة المساحة التخزينية بسعة تصل إلى 512 جيجا بايت.
يدعم الموبايل شبكات الجيل الثاني، والثالث، والرابع.
أداء موبايل infinix Note 8i:
الأداء هنا في موبايل infinix Note 8i بييجي بمعالج من شركة ميديا تيك، من نوع Helio G80، بتكنولوجيا الـ 12 نانو.
مع معالج رسومي من نوع Mali-G52 MC2، فهو نفس المعالج الموجود في الـ Infinix Note 8.
كالعادة هنا هقسم تجربتنا للأداء لنوعين:
النوع الأول، هو اللى بيهتم بأداء الموبايل في المهام اليومية من التصفح على السوشيال ميديا، والمكالمات، وكمان مشاهدة المحتوى وغيره من الأمور اليومية المعتادة، فالموبايل هنا هيقدم أداء مثالي جدًا.
أما بالنسبة للنوع التاني من الناس اللى بتهتم بالألعاب، فهو مع وجود الـ 4 رام، أو الـ 6 رام، فالموبايل يعتبر قدم أداء مقبول وخصوصًا بالنسبة للفئة السعرية اللى نازل فيها.
الخلاصة هنا لو أنت هتشتري الموبايل وهتستخدمه في المهام اليومية، الموبايل هيكون ممتاز وعملي جدًا، بس لو هتستخدمه في الألعاب فالأداء هنا هيكون كويس نوعًا ما.
بطارية موبايل infinix Note 8i:
سعة البطارية هنا 5200 ميللي أمبير، ودا حجم بطارية عملاق هتدوم معاك لفترة طويلة تكاد تكون يومين على الأقل، ودا هيكون مناسب جدًا للفئة اللى هتستخدمه سواء في الشغل أو اللعب، ودي عادة شركة إنفنكس في إصداراتها، بالإضافة أن قوة الشحن هنا 18 وات، ونقدر نقول عليه إنه مناسب لحجم البطارية، يعني يشحن البطارية من 0 إلى 100% في حوالي ساعة تقريبًا.
سعر موبايل infinix Note 8i:
سعر الموبايل هو 2800 جنيه مصري لنسخة 128 جيجا مع 6 جيجا رام.
وكمان الموبايل بيتوفربنسخة تانية، وهي 64 جيجا مع 4 جيجا رام، وهنا سعر الموبايل 2650 جنية مصري.
فتح علبة موبايل infinix Note 8i:
– موبايل infinix Note 8i.
– رأس الشاحن بقوة 18 وات، ودا هيخلي الموبايل يشحن بسرعة.
– اسكرينة بلاستيك، ودي مش هتحمي الموبايل نهائيًا، يفضل تشتري واحدة تانية علشان تقدر تحافظ على الموبايل.
– كابل USB من نوع Type C.
– هاند فري.
– كتيب الضمان والتعليمات الخاص يشرح كل التفاصيل عن الجهاز.
– جراب شفاف لحماية ضهر الموبايل.
– دبوس معدني.
الرأي النهائي في موبايل infinix Note 8i:
المميزات:
- شاشة كبيرة بشكل الثقب.
- البصمة مكانها سهل الوصول إليه، وتعمل بشكل سريع.
- منفذ USB من نوع Type C، مع شحن سريع بقوة 18 وات.
- البطارية تعمل لفترة طويلة خلال يومين؛ ودا علشان سعتها الكبيرة.
- ذاكرة صلبة، وعشوائية كبيرة تكفي جميع ملفاتك وتطبيقاتك، ودي نقطة تتفوق فيها إنفنكس في هذه الفئة.
- المعالج يقدم أداء جيد جداً، فهو قادرعلى تشغيل لعبة PUBG بدون أي مشكلة وبأفضل كفاءة ممكنة.
العيوب:
- الحافة السفلية للشاشة كبيرة، كان هيبقى أفضل لو كانت أصغر من كدا.
- كنت أتمنى أن الشاشة تكون بدقة FHD+، على الأقل لتناسب المنافسة اللى الموبايل نازل فيها.
- للأسف الموبايل جاي بخامات بلاستيكية؛ مما يعني سهولة الإتساخ والخدش.
- يفتقد الموبايل الى كاميرا تصوير بزاوية واسعة.
- لا يدعم وجود ميكرفون إضافي لعزل الضوضاء.
الخلاصة:
الصراحة أحنا شايفين إن الموبايل كويس جدًا وعملي، وبيقدم أداء كويس جدًا، كمان لو أنت هتجيب الجهاز علشان تتابع شغلك أو حتى هتجيبه للعب الجيمز، هتلاقي إن الموبايل بيقدملك أداء مُرضي جدًا، وخصوصًا في الفئة السعرية اللى نازل فيها.