مراجعة موبايل infinix Hot 9 Play 
Infinix Hot 9 Play

كل موبايل أيًا كانت ماركته ليه مميزات وليه عيوب، والنهاردة معانا موبايل جديد من إنفنكس وهو infinix Hot 9 Play، دايمًا أنفنكس معودانا على الشاشة الكبيرة والبطارية الضخمة، بس السنة دي غير؛ علشان الشركة أعلنت عن هواتفها الجديدة والحديثة الـ infinix Hot 9 Play، والـ infinix Hot 9…

والنهاردة معادنا مع موبايل Infinix Hot 9 Play، اللي نال إعجاب كتير من المستخدمين، ودا علشان شركة إنفينكس بتحاول تجذب أكبر عدد ممكن من المستخدمين للموبايل في الفئة السعرية دي.

يلا نعمل مراجعة كاملة للموبايل زي ما إحنا متعودين ونشوف إيه هي إمكانيات الموبايل دا، وياتري يستحق إنك تشتريه ولا لأ؟

خليني بس الأول أتكلم عن إزاي تختار الموبايل المناسب ليك، وكمان تعرف كل التفاصيل عن الموبايل قبل ما تشتريه.

خدمة “اختار موبايلك”، واللي بيقدمها مــــــوقع نــاس فــون، وهي خدمة سهلة وبسيطة، وكمان عصرية تقدم لك كل التفاصيل عن أي موبايل أنت عايز تعرف عنه أي حاجة، وكمان بتوضح لك إمكانيات الجهاز وعيوبه، وكل مواصفاته من خلال طريقة شرح سهلة وبسيطة، كل اللي عليك تعمله، هو إنك تكتب المواصفات والإمكانيات اللي عايز تشوفها في الموبايل بتاعك، وإيه هي احتياجاتك منه، وتحدد العيوب اللي مش هتقدر تشوفها في موبايلك وإحنا هنقدم لك أنسب موبايل ليك من هنـــــــــــــــا

تصميم موبايل infinix Hot 9 Play:

أولًا خامات الموبايل:

كعادة إنفنكس في موبايلاتها، خامات التصنيع هنا من البلاستيك اللامع، ودا هيساعد في تجريح الموبايل بسهولة كبيرة، وكمان هيساعد على التبصيم، وعلشان كدا أنصحك إنك تحافظ على الموبايل باستخدام جراب ليه، علشان تقدر تحميه من الخدوش ومن أي تجريح.

ثانيًا التصميم الخارجي:

تصميم الكاميرات:

الكاميرات الخلفية مزدوجة، وبتييجي في شكل فريم مستطيل، وبتكون بارزة شوية عن جسم الموبايل، ودا هيدي فرصة كبيرة في تجريح الكاميرا، مع وجود فلاش ثلاثي من نوع ليد فلاش، بس ممكن نحافظ على الكاميرا هنا باستخدام جراب للموبايل.

أما بالنسبة للكاميرا الأمامية، فهي بتييجي في ثقب أعلى الشاشة، مع وجود فلاش أمامي من نوع ليد فلاش.

 

تصميم موبايل infinix Hot 9 Play
تصميم موبايل infinix Hot 9 Play

 

الأبعاد والألوان:

الموبايل هنا بييجي بأبعاد 171.82×77.96×8.90 ملم.

ألوان الموبايل هنا مختلفة وشكلها جميل وكمان شيك، زي اللون الأسود، واللون الأزرق، والأخضر، والبنفسجي.

وزن الموبايل 209 جرام، يعني وزنه خفيف مش هيبقى متعب لو حتى استخدمته لفترة طويلة من الوقت، في لعب الألعاب أو مشاهدة الفيديوهات.

شاشة موبايل infinix Hot 9 Play:

الشاشة Infinix Hot 9 Play بييجي النوتش فيها على شكل الـ Water Drop، وهو زي إصدار الشركة السابق الـ Infinix Smart 4، وشركة إنفنكس أطلقت عليه اسم تاني وهو الـ CINEMATIC DISPLAY.

الشاشة بتييجي من نوع IPS LCD، بمساحة 6.82 إنش، وجودة الـ HD، بدقة 720×1640 بكسل، بمعدل كثافة بكسلات 263 بكسل لكل إنش.

الشاشة تدعم الأبعاد الجديدة وهي 20.5:9؛ علشان تقدر تعرض أكبر محتوى عليها، ودي ميزة كويسة جدًا للفئة المحبة لمشاهدة الفيديوهات بشكل مستمر.

كما يعمل الموبايل على دعم وضع الـ Dark Theme، واللي من خلاله الموبايل بيتحول إلى اللون الأسود للحفاظ علي العين بصورة جيدة، وكمان بيدعم خاصية الـ Eye Care اللي بتحمي عين المستخدم من الأشعة الزرقاء وقت استخدام الموبايل لفترات طويلة.

 

شاشة موبايل infinix Hot 9 Play
شاشة موبايل infinix Hot 9 Play

 

بالنسبة لحجم الشاشة، فهو كبير زي ما اتعودنا من شركة إنفنكس، ودي ميزة كويسة جدًا بالنسبة للناس اللي بتلعب على الموبايل لفترات طويلة، وكمان هيكون مناسب لمشاهدة الفيديوهات.

دقة الشاشة هنا للأسف مش عالية وكمان حجم البكسلات صغير، بس دا طبيعي بالنسبة للفئة السعرية.

أداء الموبايل في الألعاب يُعتبر أداء كويس بالنسبة للفئة السعرية اللي نازل فيها بس للألعاب الخفيفة، إنما الألعاب التقيلة زى بابجي هتشتغل معاك بس على إعدادات قليلة.

كاميرات موبايل Infinix Hot 9 Play:

الكاميرا الأمامية: 

الكاميرا بتييجي بدقة 8 ميجا بكسل، مع وجود فلاش أمامي من نوع ليد فلاش.

الكاميرات الخلفية مزدوجة:

الكاميرا الأولى، بتيجي بدقة 13 ميجا بكسل.

الكاميرا الثانية، عبارة عن كاميرا Ai لتصوير أفضل صور في الإضاءة المنخفضة، وتحسين شكل الصور بشكل عام مع فلاش ثلاثي من نوع ليد فلاش.

 

كاميرات موبايل Infinix Hot 9 Play
كاميرات موبايل Infinix Hot 9 Play

 

بالنسبة لأداء الكاميرات الخلفية، فهو أداء كويس جدًا سواء كنت بتصور في إضاءة النهار، أو في إضاءة منخفضة، والصور بتكون تفاصيلها إلى حدٍ ما كويسة، وكمان الألوان حلوة. 

أما بالنسبة للتصوير الليلي، فنقدر نقول علية إنه مقبول في الفئة السعرية دي، ونفس الكلام ينطبق على الكاميرا الأمامية لإنها هتطلع لك صور سيلفي كويسة.

الموبايل بيدعم تصوير الفيديوهات بجودة الـ FHD، بدقة 1080 بكسل، ومعدل التقاط 30 إطار في الثانية الواحدة، كما يدعم تصوير الـ HD بدقة 720 بكسل ودي جودة عالية، بمعدل التقاط 30 إطار في الثانية الواحدة.

البصمة والزيادات:

البصمة:

يدعم الموبايل خاصية الـ Face Unlock يعني الموبايل بيفتح عن طريق الوجه.

وكمان يدعم وجود بصمة أخرى في ظهر الموبايل وهي بصمة الأصبع، ومن خلال تجربة البصمتين، نقدر نقول إن أدائهم كان مرضي.

الموبايل بيدعم بعض المستشعرات زي:

1- مستشعر البصمة.

2- مستشعر جيروسكوب.

3- مستشعر البوصلة.

4- مستشعر التسارع.

وكمان يدعم الجهاز وجود شريحتين اتصال من النوع Nano Sim، مع وجود كارت ميموري لزيادة المساحة التخزينية بسعة تصل إلى 256 جيجا بايت.

يدعم أيضًا شبكات الجيل الثاني، الثالث، والرابع.

الموبايل بييجي بنظام التشغيل الأحدث وهو أندرويد 10.1، مع واجهة إنفنيكس الـ XOS 6.0 المخففة Go Edition.

يدعم الجهاز الاتصال السريع بالواي فاي بترددات الـ b/g/n/ac/a، كما يدعم خاصية الـ Wi-Fi Direct، والهوت سبوت.

ويدعم أيضًا البلوتوث بإصدار 5.0.

يدعم الجهاز أيضًا موقع تحديد الـ GPS؛ ليسهل معرفة الأماكن لدى البعض. 

 ويدعم خاصية الـ OTG لتشغيل أي USB Driver على هاتفك.

يدعم الموبايل منفذ الـ 3.5 ملم الخاص بالهاند فري.

ويدعم راديو الـ FM.

بطارية موبايل Infinix Hot 9 Play:

البطارية في موبايل Infinix Hot 9 Play بتييجي بسعة 6000 مللي أمبير، ودا حجم ممتاز الصراحة يعني هتفضل معاك فترة طويلة جدًا، وكمان فية نظام توفير للطاقة، ودي أكيد ميزة كويسة جدًا وإنفنكس معودانا عليها دايمًا.

 

بطارية موبايل Infinix Hot 9 Play
بطارية موبايل Infinix Hot 9 Play

أداء موبايل Infinix Hot 9 Play:

 الموبايل جاي هنا بمعالج من شركة ميديا تيك من نوع Helio A22، رباعي النواة بتكنولوجيا 12 نانو.

 وأيضًا الجهاز بييجي مع معالج رسومي من نوع PowerVR GE8320.

 كما يدعم الموبايل وضع تعزيز أداء الألعاب عن طريق الـ Game Mode، واللى بيعمل على تحويل امكانيات الموبايل كاملة إلى اللعبة علشان تحصل على أفضل أداء ممكن وقت لعبك على الموبايل.

أداء موبايل Infinix Hot 9 Play
أداء موبايل Infinix Hot 9 Play

 

فتح علبة موبايل Infinix Hot 9 Play:

 موبايل Infinix Hot 9 Play.

-هاند فري.

كتيب ضمان وتعليمات يشرح كيفية استخدام الجهاز.

اسكرينة بلاسيتك تم وضعها بشكل مسبق على الموبايل، بس مش هتساعد على حماية الموبايل علشان هي من البلاستيك.

رأس شاحن بقوة 10 وات، ودا هيخلي شحن الجهاز بطيء نسبيًا، بالنسبة لحجم البطارية الكبير.

دبوس معدني لفتح مكان الشريحة.

جراب موبايل شفاف.

سلك USB من نوع Micro USB، ودا نوع قديم. 

سعر موبايل Infinix Hot 9 Play:

1650 جنية مصري بس دا للنسخة 32 جيجا مع 2 جيجا رام.

وحوالي 1900 جنيه مصري للنسخة 64 جيجا مع 3 جيجا رام.

الرأي النهائي في موبايل Infinix Hot 9 Play:

المميزات:

يدعم الموبايل مستشعر الجيروسكوب.

كما يدعم تشغيل شريحتي اتصال وكارت ميموري في نفس الوقت.

 ويدعم وجود لمبة الاشعارات.

تصميم الموبايل حديث مع ألوان جميلة.

بطارية عملاقة قد تكون الأكبر في فئتها السعرية وهتكمل معاك لفترة طويلة جداً .

العيوب:

نوع المنفذ الـ USB بييجي من النوع القديم الـ Micro USB.

الشحن بقوة 10 وات، يعني بطيء، وهياخد وقت في الشحن.

يُعتبر أداء المعالج متواضع.

لا يدعم الجهاز الميكروفون الثانوي الخاص بعزل الضوضاء وقت استخدام الموبايل.

الخلاصة:

أداء الموبايل عمومًا نقدر نقول عليه إنه أداء كويس بالنسبة للفئة السعرية دي، أما عن أداء الموبايل في الألعاب، فيُعتبر أداء كويس بالنسبة للفئة السعرية اللي نازل فيها بس للألعاب الخفيفة إنما الألعاب التقيلة زى بابجي هتشتغل معاك لكن على إعدادات قليلة، علشان كدا احنا بنشوف إن الموبايل مناسب بالنسبة لسعره، وغير كده هو فيه مميزات كتير منقدرش ننكرها، زي البطارية والمساحة وكمان الشاشة.

التعليقات
اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *