مقدمة:
شركة سامسونج بدأت 2020 بسلسلة الـ S20 ومنها موبايل سامسونج S20 Ultra، وكانت بداية مبشرة ليها في الأسواق بسبب الإمكانيات القوية الموجودة فيه من أول البطارية الضخمة الـ 5000 مللي أمبير، غير إن الموبايل مدعوم بالكامل من Google Duo لتسهيل المكالمات الجماعية عن الأول، وعلى عكس موبايل هواوي المنافس الـ Mate 30 Pro بييجي سامسونج S20 Ultra مدعم بالكامل بكل خدمات جوجل بلاي، مع شاشة أكبر في الحجم ودقة أعلى، دا كان سبب كافي يخلي كتير من الناس ينجذبوا للموبايل دا، فهل يستحق فعلًا إنك تشتريه ولا لأ؟!
دا اللي هنعرفه في آخر الريفيو…
تصميم موبايل سامسونج S20 Ultra:
أولًا خامات الموبايل:
خامات الموبايل مصنوعة من الزجاج بالكامل، يعني الموبايل بياخد شكل شيك وجذاب بسبب ضهره الزجاج أكتر من الموبايلات اللي ضهرها بلاستيك!
غير إنه بييجي بطبقة حماية جوريلا جلاس من الجيل السادس.
الفريم الخاص بالموبايل معدني وبيعطيك إنطباع الفخامة في التعامل وكمان تصميمه وشكله Elegant يعني الفريم جاي رفيع جدًا وبيبدأ يزيد مع الأماكن اللي فيها الزراير بتاعة الصوت والباور.
ثانيًا التصميم الخارجي:
تصميم الكاميرات:
في ضهر الموبايل هنلاقي أربع كاميرات على شكل دايرة، وكل واحدة حجمها بيختلف عن التانية، متجمعين في إطار شبه المستطيل وبتغطيهم طبقة من الزجاج تحميهم من أي عامل خارجي زي الأتربة وغيرها، وكمان بتديهم مظهر أجمل.
أبعاد الموبايل:
بييجي الموبايل بأبعاد 166.9x76x8.8 ملم.
مع وزن 222 جرام، علشان كدا حسيت الموبايل تقيل في إيدي بس مواصفات الموبايل تستحق الوزن دا الحقيقة فمكانتش مشكلة كبيرة أوي معايا.
شاشة موبايل سامسونج S20 Ultra:
شاشة سامسونج S20 Ultra واخدة شكل الثقب وبتقول عليها سامسونج الـ Infinity O، نوعها Dynamic AMOLED 2X وبقت الجيل التاني من الشاشات الـ Dynamic اللي شوفناها في سلسلة الـ S10 طبعًا مع تطوير درجة سطوع الشاشة وزيادة حجمها لـ 9 إنش.
الشاشة بتييجي بجودة الـ QHD+، ودقتها 1440×3200 بكسل، يعني معدل الكثافة لكل إنش واحد من الشاشة يساوي 511 بكسل.
أيضًا الشاشة بتدعم أبعاد العرض الجديدة بنسبة 20:9، ومن مميزاتها كمان إنها مزودة بطبقة حماية من أحدث الأنواع وهي Corning Gorilla Glass.
سامسونج اهتمت في الموبايل دا بتحسين وتسهيل عملية استخدامه في الإيد فقامت بتقليل إنحناءات أطراف الشاشة الـ Edge.
الشاشة وأنا بستخدم الموبايل بصراحة نقلتني لعالم تاني!
سامسونج خدت الشاشة الدايناميك العادية اللي شوفناها في الـ S10 وطورت فيها وزادت من معدلات السطوع، ودي كانت الميزة اللي عجبتني جدًا، الألوان كالعادة لا جديد يذكر ولا قديم يعاد، أفضل ألوان شاشات في السوق وأفضل تفاصيل بتكون من نصيب شاشات سامسونج في أجهزتها الراقية أو زي ما بنسميها “الفلاج شيبس”.
كاميرات موبايل سامسونج S20 Ultra:
هنا أنا بعتبر الكاميرات من أكتر المميزات الشيقة والممتعة في الموبايل، بالذات الزوم، لأن أنا كنت بقدر أعمل زوم للصورة 100 مرة!
الكاميرا الأمامية:
كاميرا السيلفي عجبتني جدًا في التصوير، دقتها 40 ميجا، وبفتحة عدسة F/2.2، مع تصوير الفيديوهات بدقة الـ 4K، وبدقة 2160 بكسل 30 و 60 إطار في الثانية الواحدة.
الكاميرات الخلفية:
الموبايل مزود بأربع كاميرات خلفية بارزة في ضهر الموبايل.
الكاميرا الأولى، ودي الكاميرا الأساسية في الموبايل بتصور، بدقة 108 ميجا بكسل، مع فتحة عدسة F/1.8، أيضًا مع مثبت بصري الـ OIS.
الكاميرا التانية، دي بقى كريزة الموبايل، وهي الخاصة بالزوم الـ Telephoto بيوصل لـ 10X حقيقي، وحتى 100X ديجيتال عن طريق الذكاء الاصطناعي، وكانت بتخليني أقرب أكتر التفاصيل في الصورة وأصغر التفاصيل بتوضحهالي، وبردو بتدعم الـ OIS وبتصور بدقة 48 ميجا بكسل.
الكاميرا التالتة، بتصور بدقة 12 ميجا بكسل، وبفتحة عدسة F/2.2، مخصصة لـ Ultra Wide يعني التصوير العريض، وكانت تجربة حلوة في تصوير الفيديوهات بأقصى تثبيت ممكن توصله عن طريق لـ Super Steady video.
الكاميرا الرابعة، كاميرا الـ TOF، بتييجي بدقة 0.3 ميجا بكسل، للتصوير ثلاثي الأبعاد والعزل في التصوير مع فلاش أحادي خلفي من نوع ليد فلاش، غير إن الموبايل قدملي تجربة ممتازة في تصوير الفيديوز Slow motion، يعني التصوير البطيء، وبدقة 720 بكسل، ومعدل 960 إطار في الثانية الواحدة.
تجربة الكاميرات كانت متوقعة أوي بالذات بعد ما جربنا الـ سامسونج S20، والسامسونج S20+ فأكيد السامسونج S20 Ultra كان هيبقى الجوكر في الفئة دي!
وبالفعل سامسونج مخيبتش ظني وعملت كدا ومستخدمتش نفس الكاميرات في النسخ كلها، ومميزت الألترا عن باقي النسخ بكاميرا سيلفي عملاقة كانت بتطلع صور ممتازة بالنهار أو بالليل مكانش فيه فرق فظيع في الموضوع، الكاميرات الخلفية بقى كانت حوار تاني، وكاميرا الـ TOF حقيقي ممتعة جدًا وأتوقع إن دقتها تزيد في التحديثات الجاية أكتر من كدا كمان.
البصمة والزيادات:
البصمة:
الموبايل مزود بمستشعر بصمة الإصبع بيكون في قلب شاشة الموبايل نفسها من نوع ULTRASONIC، كانت سريعة وسلسة معايا جدًا في الاستعمال وسامسونج بصراحة مع كل مرة بتنزل فيها المستشعر تحت الشاشة بجري أجربه بسرعة علشان أشوف اتحسن ولا لأ، وأحب أطمنك إنه فيه تحسن ضخم في سرعة المستشعر وكنت راضي عن التجربة دي تمامًا.
أعتقد بقى طبيعي خلاص إن إحنا نشوف بصمة الوجه في كل الأجهزة ودي بقت ميزة موجودة حتى في الأجهزة الإقتصادية، بس هتفرق كتير في الدقة والسرعة لما يكون المستشعر في موبايل زي سامسونج S20 Ultra.
المستشعرات:
- مقياس السرعة.
- مقياس الضغط الجوي.
- مستشعر البصمة.
- مستشعر الدوران.
- مستشعر المغناطيسية الأرضية.
- مستشعر المكان.
- مستشعر الضوء RGB.
- مستشعر درجة القرب.
الموبايل بيتوفر باللونين الأسود والرمادي بس ومفيش منه ألوان تانية.
صوت الموبايل:
تجربة الصوت كويسة كنت بسمع صوت عالي وواضح، وتجربة الصوت الستريو كانت عاملة جو لطيف للتركات بتاعتي وكان الصوت نقي ومميز زي ما كنت متوقع.
طبعًا الموبايل بييجي من غير مدخل الـ 3.5 ملي ودا شيء متوقع ومبقاش من المعقول إن نسأل عليه ولكن هكتبها بردو لأن دا مدخل مهم لكتير من الناس.
يدعم الموبايل شبكات الجيل الثاني، والجيل الثالث، والجيل الرابع.
بييجي البلوتوث بالإصدار 5.0، مع دعمه لـ خاصية الـ A2DP، والـ LT.
ألوان الموبايل المتوفر بها هي الأسود، والرمادي.
يدعم الموبايل امكانية تشغيل شريحتين اتصال في نفس الوقت من نوع Nano Sim.
يدعم الموبايل تحديد الموقع الجغرافية الـ GPS، بالإضافة إلى دعمه الـ A-GPS, GLONASS, GALILEO, BDS.
أيضًا يدعم الواي فاي بترددات الـ ac/a/ax/b/g/n، كما يدعم خاصية الـ Dual-band, Wi-Fi Direct, hotspot.
أم بالنسبة لمنفذ الـ USB فييجي من النوع الـ Type-C، مع دعمة لخاصية الـ OTG.
الموبايل بييجي بنظام تشغيل Android 10.0 مع واجهة سامسونج الـ One UI 2.
أداء موبايل سامسونج S20 Ultra:
- ذاكرة مساحتها 128 جيجا بايت، مع إمكانية زيادة المساحة بالكارت الميموري حتى 1 تيرا بايت.
- رام 12 جيجا بايت.
- المعالج من نوع الـ Exynos 990، بتكنولوجيا الـ 7 نانو.
- معالج رسومي من نوع Mali-G77 MP11.
بنشوف هنا إن مفيش فرق تقريبًا بين المعالج في النسخة البلاص والألترا ولكن الرامات هنا هتفرق بشكل كبير لأن أنت معاك رامات ضخمة جدًا مش هتقدر تخلصها، افتح أي حاجة على الموبايل وكون واثق إنه هيقدر يهندلها حتى لو فتحت كل الأبلكيشنز اللي عندك مرة واحدة الموبايل شغال ومش هيشتكي.
تجربة الألعاب أو التجربة الرسومية على الموبايل دا طبعًا فائقة، هتلعب اللي نفسك فيه ببساطة وسهولة ومن غير تعقيدات كتير لأن عتاد الموبايل قوي فمتقلقش من الناحية دي.
بطارية موبايل سامسونج S20 Ultra:
لأول مرة في سلسلة الـ S بيتوفر بطارية سعتها بالحجم دا، 5000 مللي أمبير، ممتازة في الاستعمال كانت بتدوم معايا لوقت طويل جدًا، وحسب الاختبارات اللي تمت عليها كانت البطارية بتصمد لمدة:
10 ساعات و30 دقيقة تصفح على النت.
13 ساعة تشغيل فيديوهات.
24 ساعة في المكالمات.
الموبايل بيدعم الشحن السريع بقوة 45 وات، يعني الموبايل ممكن يوصل من 0% شحن لـ 100% في 74 دقيقة، بس للأسف الشاحن المرفق مع الموبايل في العلبة 25 وات فقط.
سعر موبايل سامسونج S20 Ultra:
سعر سامسونج S20 Ultra النسخة 128 جيجا بايت مع 12 رام حوالي 18800 مصري.
محتويات علبة موبايل سامسونج S20 Ultra:
- موبايل Samsung Galaxy S20 Ultra موجود عليه لاصق حماية على الشاشة.
- شاحن بقوة 25 وات.
- كابل USB من نوع Type C.
- دبوس معدني لفتح مكان شريحتي الاتصال.
- هاند فري بمنفذ الـ Type C من شركة AKG.
- كتيب التعليمات ويوضح كيفية إستخدام الموبايل.
- جراب ظهر شفاف لحماية الموبايل.
الرأي النهائي ف موبايل سامسونج S20 Ultra:
الخلاصة إن شركة سامسونج قدمت موبايل ممتاز أو كويس جدًا في الاستعمال من أول الكاميرات اللي قدمتلي تجربة خرافية في التصوير، مع خاصية تكبير بتوصل لـ 100 مع كاميرا السيلفي 40 ميجا، الكاميرات حرفيًا تفوقت بدرجة كبيرة وتقريبًا الأفضل في 2020 بالنسبة ليا، غير البطارية العملاقة اللي درجة صمود عالية أوي.
المعالج أدائه كان مقبول ولكن لو هيتقارن مع معالجات تانية في الفئات العالية فهو هيكون معالج متواضع في فئته.
كمان بشوف إن المساحة التخزينية اللي وفرتها سامسونج هنا قليلة جدًا، 128 جيجا بالنسبة لموبايل زي دا هي مساحة صغيرة، حتى لو ممكن تترفع بكارت ميموري بس تظل صغيرة وكان ممكن رفعها لـ 256 مثلًا.
الموبايل عمومًا كويس ويستحق التجربة ولو أنت مهتم تشتريه فهو موبايل ممتاز ومش هيكون صفقة سيئة معاك ولكنه ليس الأفضل في فئته بالذات بعد التسعير دا.
لو حابب تشتري موبايل جديد ومحتار في بحر الموبايلات اللي في السوق، فاحنا بنقدملك خدمة “اختار موبايلك” واللي بيقدمها مـــــوقع ناس فــونــــز والخدمة دي بتقدر عن طريقها إنك تبعتلنا ميزانيتك والحاجات اللي أنت محتاجها في الموبايل وإحنا هنرشحلك الموبايل المناسب لاحتياجك من هنــــــــــــا…
Nice post. I used to be checking constantly this weblog and I’m inspired! Extremely useful info particularly the final phase 🙂 I maintain such info a lot. I was looking for this certain info for a very long time. Thanks and good luck.