مراجعة موبايل 7 Realme
7 Realme

الجهاز اللي هنتكلم عنه النهارده من ريلمي يعتبر جهاز جيمنج من الطراز الأول، فـ 7 Realme نازل بمعالج قوي جدًا وقدرة شحن حرفيًا هايلة، وعلشان كدا يتميز عن غيره من الإصدارات اللي من نفس شركته واللي من الشركات المنافسة، فخلونا نتعرف على كل مميزاته وعيوبه ونوضح لكم كل إمكانياته كالعادة من خلال مراجعتنا الشاملة للجهاز بس قبلها…

خلونا نفكركم بخدمة تهمكم وهتساعدكم أكتر في اختيار الجهاز المناسب لكل حد بيفكر يشتري جهاز جديد، وهي خدمة “اختار موبايلك” واللي بيقدمها موقــــع ناس فـــونـــز، ودي خدمة هتساعدك في إنك تختار الجهاز المناسب ليك، عن طريق ترشيحاتنا واللي بتكون بِناءًا على طلبك واللي أنت عايزه ومحتاجه يكون في جهازك؛ ودا علشان تكون ببساطة قادر تختار الجهاز اللي اتعمل لإشباع احتياجاتك ويتناسب مع قدرتك الشرائية من غير أي تردد.

ويلا نبدأ مراجعتنا بتصميم الموبايل…

تصميم موبايل 7 Realme:

 

تصميم موبايل 7 Realme
تصميم موبايل 7 Realme

 

أولًا الخامات: 

خامات الجهاز دا من البلاستيك بالكامل لكن بجودة ومتانة عالية جدًا.

ثانيًا التصميم الخارجي:

  •  أبعاد الجهاز 162.3×75.4×9.4 ملم.
  •  وزن الجهاز 191 جرام، مع طبقة حماية من نوع Corning Gorilla Glass الجيل الثالث على الشاشة، مع بروز بسيط في الضهر للكاميرات الخلفية.

الجهاز متوفر بألوان الأبيض والأسود مع لمعه في الضهر بتصميم أنيق وعصري.

شاشة موبايل 7 Realme:

الشاشة من نوع IPS LCD وبتيجي بشكل الثقب بمساحة 6.5 إنش.

الشاشة بتيجي بجودة الـ FHD و بدقة 1080×2400 بكسل يعني بمعدل كثافة بكسلات 405 بكسل لكل إنش.

الشاشة تدعم معدل التحديث الـ 90Hz وبتشغل نسبة 90.5% من الواجهة الأمامية.

الشاشة كمان بتدعم وضع الـ Dark Mode لتحويل شاشة الهاتف بالكامل إلى اللون الأسود.

 

شاشة موبايل 7 Realme
شاشة موبايل 7 Realme

 

معدل التحديث العالي في الشاشة مع سطوعها ودرجة تشبعها بالألوان بيخلي تجربة أداء الشاشة حلوة جدًا وممتعه في مشاهدة أي محتوى سواء فيديوهات أو الأفلام، ومش هتحس بفرق كبير بينها وبين الشاشة الأموليد.

كاميرات موبايل realme 7:

أولًا الكاميرا الأمامية:

  •  بتيجي بدقة 16 ميجا بكسل بفتحة عدسة F/2.1 بمستشعر من نوع Sony IMX471.
  • بالإضافة لدعمها لتصوير الفيديوهات بجودة الـ FHD بدقة 1080 بكسل بمعدل التقاط 30 و 120 إطار في الثانية.

الكاميرا الخلفية وهي كاميرا رباعية حيث: 

  • الكاميرا الأولى: 48 ميجا بكسل بفتحة عدسة F/1.8 وهي الكاميرا الأساسية.
  •  الكاميرا الثانية: فتأتي بدقة 8 ميجا بكسل بفتحة عدسة F/2.3 وهي الخاصة بالتصوير الواسع.
  •  الكاميرا الثالثة: فتأتي بدقة 2 ميجا بكسل بفتحة عدسة F/2.4 وهي الخاصة بالتصوير الماكرو.
  • الكاميرا الرابعة والأخيرة: فتأتي بدقة 2 ميجا بكسل بفتحة عدسة F/2.4 وهي B&W مع فلاش خلفي أحادي من نوع ليد فلاش. 

أما بالنسبة لتصوير الفيديوهات:

فالجهاز يدعم تصوير الفيديوهات بجودة الـ 4K بدقة 2160 بكسل بمعدل التقاط 30 إطار في الثانية.

بالإضافة للتصوير بجودة الـ FHD بدقة 1080 بكسل بمعدل التقاط 30 و 60 إطار في الثانية.

وأيضًا التصوير بجودة الـ HD بدقة 720 بكسل بمعدل التقاط 30 و 60 إطار في الثانية كما يدعم التصوير الـ Slow Motion بجودة الـ FHD بدقة 1080 بكسل بمعدل التقاط 120 إطار في الثانية، والتصوير بجودة الـ HD بدقة 720 بكسل بمعدل التقاط 240 إطار في الثانية.

 

كاميرات موبايل realme 7
كاميرات موبايل realme 7

 

بشكل عام أداء الكاميرات في realme7 للأسف أقل من أداء realme 6

لكن هنا الكاميرات بتعمل معالجة صور بشكل عالي جدًا وبتكون نوعًا ما مش واقعية، لكن بتفاصيل مقبولة وحلوة ودرجة تشبع الألوان فيها حلوة أوي حتى في الإضاءات الضعيفة الجودة بتكون حلوة  أوي.

أما تصوير الفيديوهات فالكاميرا بتضمنلك أداء تصوير فيديوهات ممتع وبدقة وجودة حقيقي ممتازة، وبدرجة تشبع ألوان وتفاصيل عاليين جدًا.

البصمة والزيادات:

  • الجهاز بيدعم مستشعر البصمة وبتيجي مدمجة في زر الباور، بالإضافة لدعمه لخاصية الـ face unlock.

وأيضًا بيدعم عدة مستشعرات أخرى زي:

  • مستشعر البصمة.
  • مستشعر التسارع.
  • مستشعر التقارب.
  • مستشعر الجيروسكوب الخاص بنظارات الواقع الإفتراضي ال VR.

الواي فاي بييجي بترددات  a/b/g/n/ac بأداء عالي جدًا، بالإضافة لدعمه للـ Dual-band, Wi-Fi Direct, hotspot.

البلوتوث إصداره 5.0 مع دعمه لخاصيتي الـ A2DP, LE .

الجهاز بيدعم الـ GPS بالإضافة لدعمه لأنظمة ملاحة أخرى زي الـ A-GPS, GLONASS, BDS.

أما منفذ الـ USB فبييجي من نوع Type C، بالإضافة لإنه بيدعم خاصية الـ OTG.

نظام التشغيل في الهاتف android 10 مع واجهة ريلمي الـ Realme UI V1.0 

يدعم الجهاز منفذ الـ 3.5 ملم الخاص بسماعات الأذن ومابيجيش معاه سماعات أذن كعادة ريلمي. 

الجهاز لا يدعم الميكروفون الثانوي الخاص بعزل الضوضاء.

لكن أداء الصوت هنا بشكل عام عالي ومجسم وجودته معقولة وهتكون مُرضية للمستخدم جدًا.

أداء موبايل realme 7:

سعة الذاكرة الصلبة في الجهاز 128 جيجا بايت من نوع UFS 2.1 ودا النوع العادي في أجهزة الفئة دي، مع ذاكرة عشوائية بسعة 8 جيجا بايت من نوع LPDDR4x.
بالإضافة لدعم الجهاز لإمكانية زيادة السعة التخزينية عن طريق كارت ميموري في منفذ منفصل.

والجهاز بيدعم استخدام شريحتين اتصال وكارت ميموري في نفس الوقت.

أما عن الأداء فالمعالج ثماني النواه من شركة ميديا تيك من نوع Helio G95 بتكنولوجيا الـ 12 نانو، مع معالج رسومي من نوع Mali-G76 MC4 ليكون أول هاتف يأتي بهذا المعالج فمن المتوقع أن يقدم أداء أقوى بحوالي 8% فقط من الـ Helio G90T الموجود في الـ Realme 6

 

موبايل 7 Realme
أداء موبايل 7 Realme

 

المعالج دا أداؤه مميز وسريع جدًا، وأداؤه سلس في الألعاب التقيلة ومش بيهنج أو يتقل معاك نهائي؛ لأن السوفت وير هنا بيخدم كويس جدًا على الرامات والذاكرة والمعالج، بإستثناء بس إنه بيسخن بشكل بسيط معاك لما تتقل عليه استخدام.

بطارية موبايل 7 Realme:

البطارية سعتها 4500 مللي أمبير، وبتدعم الشحن السريع بقوة 65 وات ودي أسرع قدرة شحن نزلت في كل أجهزة الفئة دي.

وكمان أدائها وصمودها طول اليوم ممتاز وفعلًا البطارية هنا في realme 7 وقدرة الشحن بتاعتها من أهم مميزات الجهاز دا.

 

بطارية موبايل 7 Realme
بطارية موبايل 7 Realme

 

محتويات علبة موبايل 7 Realme: 

موبايل 7 Realme.

إسكرينة لحماية الشاشة تم وضعها بشكل مسبق على شاشة الموبايل وبتكون من البلاستيك.

رأس الشاحن بقوة 65 وات.

كابل الـ USB  نوع الـ Type C.

جراب ظهر شفاف لحماية الموبايل من الخرابيش.

دبوس معدني.

كتيب التعليمات يوضح كيفية إستخدام الموبايل.

سعر موبايل7 Realme:

سعر الجهاز 4750 جنيه مصري، أي ما يعادل تقريبًا 310 دولار أمريكي.

الرأي النهائي في موبايل 7 Realme: 

المميزات:

  • يدعم الموبايل التصوير بجودة الـ 4K بالكاميرا الخلفية.
  • أرخص موبايل يدعم الشاحن السريع الـ 65 وات.
  • البطارية تصمد للعمل لفترة طويلة خلال اليوم بأكمله .
  • يدعم تشغيل شريحتين، وكارت ميموري في نفس الوقت.
  • المعالج يقدم أداء ممتاز بالأخص في الألعاب فهو قادر على تشغيل الألعاب بشكل ممتاز.
  • شاشة ثقب ممتازة مع استغلال الحواف بشكل جيد.
  • تم العمل على تحسين جودة صوت سبيكر للموبايل.
  • أداء متوازن من الكاميرات الخلفية والامامية.
  • مستشعر بصمة سريع جدًا مدمج بزر الباور.

العيوب:

  • سمك الموبايل كبير، والخامات كالعادة من البلاستيك.
  • لا يدعم وجود لمبة إشعارات.
  • لا يدعم الموبايل الميكروفون الثانوي الخاص بعزل الضوضاء والضجيج.
  • مفيش هاند فري.

الخلاصة:

الجهاز تصميمه الخارجي مميز وعصري جدًا وبيدي إيحاء إنه من الزجاج نظرًا لفخامة شكله، وبالنسبة لإمكانياته وسعره فهم متوازيين جدًا وكمان مناسب للاستخدام لجميع الفئات سواء جيمرز محترفين أو أصحاب الاستخدام العادي، ولو كانت سرعة الشحن بالنسبالك حاجة مهمه في الجهاز اللي هتشتريه فطبعًا هرشحلك realme 7 من الفئة دي.

 

التعليقات
اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *