سامسونج S20| المراجعة والمواصفات
سامسونج S20

 كل جهاز موبايل أيًا كانت ماركته ليه مميزات وعيوب حسب كل شخص محتاج إيه من الجهاز اللي هيشتريه، والجهاز اللي هنتكلم عن مراجعته وتفاصيله النهارده هو سامسونج S20، فالجهاز دا هو أصغر حاجة في سلسلة الـ S20.

لأن فيه الـ S20 Plus و الـ S20 Ultra، والسلسة دي من إصدارات 2020 وفيها اهتمت سامسونج بالكاميرات جدًا مقارنةً بالإصدارات السابقة، وطبعًا كالعادة هنوضح كل مواصفات، وإمكانيات أجهزة سلسلة الـ S20، والفرق بينهم من حيث كل حاجة فيهم عشان تقدر تقرر أي جهاز من السلسلة دي هو الأنسب ليك وإيه الفروق اللي بينهم اللي بتميز كل جهاز عن غيره…

بس قبل ما نبدأ المراجعة دي خلينا الأول نتكلم عن خدمة “اختار موبايلك” الخدمة دي بنقدمها لأول مرة علشان تساعدك في اختيار الموبايل الخاص بيك من غير حيرة أو مجهود، كل اللي عليك تعمله إنك هتبعتلنا ميزانيتك المتوقعة وتبعتلنا الإمكانيات اللي عاوز تشوفها في الموبايل بتاعك وإحنا هنرشحلك أفضل موبايل يناسبك من هنــــــــــا

خلينا دلوقتي نرجع لمراجعتنا…

تصميم موبايل سامسونج S20:

أولًا خامات الموبايل:

الخامات اللي تم استخدامها في تصنيع الموبايل من الزجاج وبيغطيها طبقة حماية من نوع Gorilla Glass من الجيل السادس، التصميم هنا شيك جدًا وشكله حلو وخامات الزجاج بتعطي فخامة للموبايل، العيب الوحيد فيه إنه هيبقى مغناطيس للبصمات!

ثانيًا التصميم الخارجي:

تصميم الكاميرات:

أما التصميم الخارجي ففيه بروز للكاميرات على ضهر الموبايل والكاميرات واخدة شكل حرف الـ L اللي بنشوفه الفترة دي في معظم موبايلات سامسونج بس هو هنا جاي بالديزاين بتاع حرف الـL المقلوب.

كاميرا السيلفي بتيجي في ثقب أعلى شاشة الموبايل وهنتكلم عنها بالتفصيل في الجزء بتاع الكاميرات.

 

تصميم موبايل سامسونج S20
تصميم موبايل سامسونج S20

أبعاد الموبايل:

أبعاد الموبايل 151.7×69.1×7.9 ملم.

بوزن 163 جرام.

طبعًا الوزن هنا ممتاز، الموبايل خفيف وظريف وتقدر إنك تمسكه بسهولة، ومش هيتعب إيدك وأنت بتستخدمه حتى لو استخدمته لفترات طويلة.

شاشة موبايل سامسونج S20:

الشاشة في الجهاز دا من نوع Dynamic AMOLED 2X، بمساحة 6.2 إنش بجودة الـ QHD+، بدقة 1440×3200 بكسل، بمعدل كثافة بكسلات 563 بكسل لكل إنش.

وطبعًا الشاشة بتييجي على شكل الثقب، على هيئة حرف الـ O ودا اللي بتسميه سامسونج الـ Infinity O.

 وكمان الشاشة أبعاد العرض فيها نسبتها 20:9، وتم تحسين حوافها بصورة كبيرة مقارنةً بالإصدارات السابقة.

 وجود طبقة حماية بأحدث نوع الـ Corning Gorilla Glass من الجيل السادس.

أيضًا تدعم الشاشة الـ HDR10+، كما يدعم الموبايل الـ 60Hz والـ 120Hz، بس في حالة استخدام الـ 120Hz دقة الشاشة بتقل الـ FHD بدقة 1080 بكسل؛ ودا عشان يحافظ على بطارية الجهاز من الاستهلاك السريع جدًا اللي ممكن يحصل.

الشاشة بتدعم الـ 120Hz وطبعًا دا لأداء تجربة رسومية أفضل في الألعاب مع بكسلات أكثر من 500 بكسل لكل إنش.

 للأسف دقة الشاشة تنخفض إجبارياً إلى الـ FHD عند إستخدام الـ 120hz.

 

شاشة موبايل سامسونج S20
شاشة موبايل سامسونج S20

 

الشاشة ممتازة كعادة شاشات سامسونج، يعني ألوان وتفاصيل من أفضل التجارب اللي ممكن تلاقيها في السوق، الألوان كمان بيميزها معالجة سامسونج للألوان عن طريق السوفت وير المتميز بتاعها، يعني هتلاقي ألوان قريبة جدًا من الحقيقة لما تصور صورة مثلًا وتشوفها على الموبايل.

كاميرات موبايل سامسونج S20:

الكاميرا الأمامية، بتييجي بدقة 10 ميجا بكسل، بفتحة عدسة F/2.2.

الموبايل بييجي بـ3 كاميرات خلفية…

الكاميرا الأولى، بدقة 12 ميجا بكسل، بفتحة عدسة F/1.8، وبتدعم المثبت البصري الـ OIS، وهي الكاميرا الأساسية.

الكاميرا الثانية، بتييجي بدقة 64 ميجا بكسل، بفتحة عدسة F/2.0، وهي الخاصة بالتقريب حتى 3x حقيقي وحتى 30x ديجيتال والكاميرا تدعم الـمثبت البصري OIS.

الكاميرا الثالثة، بتييجي بدقة 12 ميجا بكسل، بفتحة عدسة F/2.2، وهي الخاصة بالتصوير العريض الـ Ultra Wide، وأيضً تدعم أقصى تثبيت أثناء تصوير الفيديوهات مع وضع الـ Super Steady video، وكمان مع فلاش خلفي أحادي من نوع ليد فلاش .

بالنسبة لتصوير الفيديوز الموبايل هنا بيدعم تصوير الفيديوهات بجودة الـ 8K، بدقة 3240 بكسل، بمعدل التقاط 24 إطار في الثانية الواحدة.

كما يدعم تصوير الفيديوهات الـ 4K بدقة 2160 بكسل، بمعدل التقاط 30 و60 إطار في الثانية.

أيضًا يدعم تصوير الفيديوهات الـ FHD، بدقة 1080 بكسل، بمعدل التقاط 30 و60 و240 إطار في الثانية.

 

كاميرات موبايل سامسونج S20
كاميرات موبايل سامسونج S20

 

الكاميرات هنا كاميرات ممتازة وبتقدم تجربة حلوة من ألوان وتفاصيل، بس سامسونج هنا عملت 3 نسخ من الموبايل وبالتالي لازم تفرقهم من بعض وبما إن الموبايل اللي معانا سامسونج S20 العادي فهو أضعف واحد فيهم ومكنتش مستني منه أداء قوي.

البصمة والزيادات:

البصمة:

 الموبايل بيدعم مستشعر البصمة، وبتييجي أسفل الشاشة من نوع الـ Ultrasonic، وطبعًا هنا الموضوع بيختلف اختلاف كلي عن بصمة الإصبع التقليدية وبقى مفهوم إن سامسونج بتعتمد البصمة الموجودة تحت الشاشة بشكل موسع في معظم موبايلاتها حاليًا، ولكن من رأيي البصمة لسة محتاجة شوية تطوير أكتر علشان توصل لمستوى مرضي.

بصمة الوجه طبعًا خلاص بقت شيء ثابت في الموبايلات وهي حاجة لطيفة جدًا.

كمان يدعم الموبايل مشاركة بياناتك عن طريق الـ Samsung DeX كما هو معتاد في هواتف سامسونج الرائدة. 

المستشعرات:

  • مستشعر التسارع.
  • مستشعر التقارب.
  • مستشعر البوصلة.
  • مستشعر الجيروسكوب.
  • مستشعر الضغط الجوي.

ويدعم الجهاز الميكروفون الثانوي الخاص بعزل الضوضاء والضجيج أثناء استخدام الهاتف بصفة عامة، لكن للأسف الجهاز جاي من غير منفذ الـ 3.5 ملم الخاص بسماعات الأذن.

الواي فاي بترددات الـ a/b/g/n/ac/ax بالإضافة لدعمه لـ Dual-band, Wi-Fi Direct, hotspot 

البلوتوث يأتي بالإصدار الأحدث الـ 5.0 كما يدعم الـ A2DP, LE, aptX.

بييجي مع الجهاز سلك USB من نوع Type C، دبوس معدني، سماعات الأذن بمنفذ Type C من شركة AKG، كتيب التعليمات ويوضح كيفية استخدام الهاتف، وجراب ظهر شفاف لحماية الموبايل خاصة مع بروز الكاميرات الموجود.

الموبايل بييجي  بذاكرة تصل سعتها إلى 128 جيجا بايت، مع ذاكرة عشوائية بسعة 8 جيجا بايت، والذاكرة الصلبة بتييجي من نوع UFS 3.0، والذاكرة العشوائية تأتي من نوع LPDDR5 .

الموبايل بييجي بنظام التشغيل الأحدث الـ Android 10.0، مع واجهة سامسونج بإصدارها الأحدث الـ One UI 2.

الألوان اللى بيتوفر بها الموبايل، الرمادي، واللون الأزرق، واللون البينك.

يدعم الموبايل تشغيل شريحتين إتصال في نفس الوقت من نوع Nano Sim.

يدعم الموبايل شبكات الجيل الثاني الـ 2G، والجيل الثالث الـ 3G، والجيل الرابع الـ 4G.

أداء موبايل سامسونج S20: 

بالنسبة للأداء فالموبايل بييجي بمعالج سامسونج من نوع الـ Exynos 990، بتكنولوجيا الـ 7 نانو، مع معالج رسومي من نوع Mali-G77 MP11 يعني الأداء هيكون ممتاز أكيد.

 

أداء موبايل سامسونج S20
أداء موبايل سامسونج S20

 

المعالج دا طبعًا شوفناه كتير جدًا من سامسونج، وأنا بصراحة مبحبوش أو مبحبش أشتغل عليه لأنه فيه الأفضل منه في فئات أقل من فئة الموبايل فأنا مبفهمش توجه سامسونج ليه غير إنهم بيشغلوه في أجهزتهم لأنهم هما اللي مطورينه، عالعموم المعالج بيقدم أداء قوي ومميز مع بعض العيوب زي السخونية واستهلاك الطاقة الكبير.

بطارية موبايل سامسونج S20:

البطارية بتييجي بسعة 4000 مللي أمبير، مع دعمها للشحن السريع بقوة 25 وات، كما تدعم الشحن اللاسلكي 15 وات، والشحن اللاسلكي العكسي بقوة 9 وات، وعمر البطارية أصبح أطول مقارنة بالإصدار السابق الـ Galaxy S10.

 

بطارية موبايل سامسونج S20
بطارية موبايل سامسونج S20

سعر موبايل سامسونج S20:

سعر الجهاز حاليًا في السوق، حوالي 11800 جنيه مصري.

الرأي النهائي في موبايل سامسونج S20:

سلسلة السامسونج S20 عمومًا الاهتمام فيها زايد بالكاميرا علشان عامل طفرة جديدة عن كل إصدارات سامسونج السابقة، فالجهاز دا أول جهاز في العالم بيدعم التصوير بالـ 8K. 

عشان كدا برشحه جدًا لأي حد مهتم بالتصوير، هيكون صفقة ممتازة بالنسبالك على الرغم من إن أنا شايف تسعيره عالي شوية من وجهة نظري.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *