مراجعة موبايل سامسونج جالاكسي S20+
سامسونج جالاكسي S20+

 كل جهاز موبايل أيًا كانت ماركته ليه مميزات وعيوب حسب كل شخص محتاج ايه من الجهاز اللي هيشتريه، والجهاز اللي هنتكلم عن مراجعته وتفاصيله النهارده هو سامسونج جالاكسي S20+، الجهاز دا هو الابن التاني من سلسلة الـ S20 اللي صدرت عام 2020 وفيها اهتمت سامسونج بالكاميرات جدًا، مقارنة طبعًا بالإصدارات السابقة للسلسلة، وطبعا كالعادة هنوضح كل المواصفات، والإمكانيات لجهاز سامسونج جالاكسي S20+ علشان تكون قادر على تمييز إذا كان الجهاز ده مناسب ليك ولا لأ.

تصميم موبايل سامسونج جالاكسي S20+: 

أولًا خامات الموبايل:

استخدامت شركة سامسونج الخامات الزجاجية في تصنيع الموبايل بالكامل، مع فريم من الألومنيوم الفريم وهنا عجبني جدًا إن حجمه صغير وبيكبر بشكل تدريجي، مع وجود أزرار الصوت والباور وهو فريم من جيل جديد زي ما أعلنت سامسونج واللي بيقدر يستحمل أكتر من الفريم الموجود في الـ S10.

ثانيًا التصميم الخارجي:

تصميم الكاميرات:

الكاميرات هنا بقى كان تصميمها مريب شوية، يعني الرصة كدا كانت غريبة والشكل دا مكنتش فاهمه هل سامسونج كانت تقصد من وراه حاجة ولا الكاميرات اتحطت بشكل عشوائي وخلاص؟

 

تصميم موبايل سامسونج جالاكسي S20+
تصميم موبايل سامسونج جالاكسي S20+

 

أبعاد الموبايل:

  • الموبايل بييجي بأبعاد 9×73.7×7.8 ملم.
  • مع وزن 186 جرام، ودا وزن خفيف يعني مش هيتعبك لو استخدمته لفترة طويلة من الوقت.

شاشة موبايل سامسونج جالاكسي S20+:

الشاشة بتييجي بشكل الثقب وبتسميها سامسونج Infinity O، واللي خلاص شوفناها تقريبًا أكتر من 10 مرات بنفس الشكل في أجهزة كتير من سامسونج زي الـ Note 10 مثلًا، وشاشة الجهاز دا من نوع Dynamic AMOLED 2X، بمساحة 6.7 إنش، بجودة الـ QHD+، وبدقة 1440×3200 بكسل، بمعدل كثافة بكسلات 525 بكسل لكل إنش.

الشاشة بتدعم أبعاد العرض الجديدة بنسبة 20:9 مع تحسن ملحوظ في حواف الشاشة.

الشاشة هنا بتييجي بطبقة حماية من نوع الـ Corning Gorilla Glass من الجيل السادس.

بالإضافة لدعمها لـ HDR10+، كمان الموبايل بيدعم الـ 60Hz والـ 120Hz، بس لو أنت بتستخدم الـ 120Hz سيقوم الهاتف بخفض دقة الشاشة إلى الـ FHD، بدقة 1080 بكسل، واللي لاحظته كمان إن نسبة الإنحناء في الشاشة قلت شوية عن باقي سلسلة الـS.

 

شاشة موبايل سامسونج جالاكسي S20+
شاشة موبايل سامسونج جالاكسي S20+

 

طبعًا شاشات سامسونج مش محتاجة إننا نتكلم عنها من ناحية الأداء فهي عملاقة ورائدة في النقطة دي وبتتميز دايمًا بشاشاتها اللي بتقدم أداء عالي، الألوان مظبوطة جدًا وتفاصيل الشاشة فعلًا تستحق، مع المميزات اللي بتحطها سامسونج في الشاشة فهتلاقي إن شاشة سامسونج هي أفضل تجربة للشاشة في سوق الموبايلات عمومًا.

كاميرات موبايل سامسونج جالاكسي S20+:

الكاميرا الأمامية:

بتييجي بدقة 10 ميجا بكسل، مع فتحة عدسة F/2.2، وتدعم الكاميرا الأمامية التصوير الـ 4K، بدقة 2160 بكسل 30 و60 إطار في الثانية.

الكاميرات الخلفية، هي كاميرا رباعية في شكل مستطيل بارز عن ظهر الموبايل. 

الكاميرا الأولى، بتييجي بدقة 12 ميجا بكسل، بفتحة عدسة F/1.8، وتدعم المثبت البصري الـ OIS وهي الكاميرا الأساسية.

الكاميرا الثانية، بتييجي بدقة 64 ميجا بكسل، بفتحة عدسة F/2.0، وهي الخاصة بالتقريب الـ Telephoto وتصل إلى 3X حقيقي و 30 ديجتال وتدعم الـ OIS.

الكاميرا الثالثة، فهي موجودة بدقة 12 ميجا بكسل، مع فتحة عدسة F/2.2، وهي الخاصة بالتصوير العريض الـ Ultra Wide، وتدعم أقصى تثبيت أثناء تصوير الفيديوهات الـ Super Steady video.

الكاميرا الرابعة، بتييجي بدقة 0.3 ميجا بكسل، من نوع TOF 3D للمساعدة في حساب عمق العزل في صور البورتريه مع فلاش خلفي أحادي من نوع ليد فلاش. 

تصوير الفيديوهات في الموبايل ده بجودة الـ 8K بدقة 3240 بكسل، بمعدل التقاط 24 إطار في الثانية الواحدة، كما يدعم تصوير الفيديوهات الـ 4K بدقة 2160 بكسل، بمعدل التقاط 30 و60 إطار في الثانية، كما يدعم تصوير الفيديوهات الـ FHD، بدقة 1080 بكسل، بمعدل التقاط 30 و60 و240 إطار في الثانية.

 

كاميرات موبايل سامسونج جالاكسي S20+
كاميرات موبايل سامسونج جالاكسي S20+

 

للأسف التجربة وضحتلي إن الكاميرا الأمامية متستحقش تكون في موبايل رائد زي دا، يعني أنا كنت حاسس إن أنا بستخدم كاميرا أمامية لموبايل فئة متوسطة بسعر موبايل رائد، فكانت الكاميرا بتطلعلي صور لا ترقى بالمستوى للأسف الشديد!

الكاميرات الخلفية، بقى هي أهم حاجة في الموبايل، ودا كان اتجاه سامسونج أصلًا في سلسلة الـ S20 كلها بجميع إصداراتها ومنها موبايل سامسونج جالاكسي S20+ اللى إحنا بنراجعه دلوقت، الكاميرات الخلفية بتقدم أداء محترم جدًا، يعني لما جيت أجربها لقيت إن الصور بتاخد طابع دافي شوية كدا ودايمًا بتميل ليه في كل أوضاع التصوير واللى كان لطيف بالنسبة ليا الحقيقة.

البصمة والزيادات:

البصمة:

الموبايل هنا بييجي ببصمة مدمجة بالشاشة بمستشعر Ultra Sonic، واللي سامسونج طورتها بشكل كبير أوي عن الإصدارات اللي فاتت علشان توصل بيها لتقديم الأداء دا، الأداء اللي عجبني جدًا الحقيقة!

طبعًا بصمة الوجه موجودة كدا كدا بالرغم إني مش من هواة بصمة الوجه ومستعملتهاش كتير إلا إني لما جربتها كانت معقولة ومش بتعلق وعجبتني كأوبشن أساسي الموبايلات متقدرش تتخلى عنه حاليًا.

المستشعرات:

  1. مستشعر التسارع.
  2. مستشعر التقارب.
  3. مستشعر البوصلة.
  4. مستشعر الجيروسكوب.
  5. مستشعر الضغط الجوي.

الواي فاي بييجي بترددات الـ a/b/g/n/ac/ax، بالإضافة لدعمه للـ Dual-band, Wi-Fi Direct, hotspot.

البلوتوث بييجي بالإصدار الأحدث الـ 5.0 كما يدعم الـ A2DP, LE, aptX.

الموبايل بيدعم خاصية تحديد الموقع الجغرافي الـ GPS، مع دعمه لأنظمة الملاحة الأخرى الـ A-GPS, GLONASS, BDS, GALILEO.

يدعم الموبايل تشغيل شريحتين إتصال من نوع Nano Sim.

أيضًايدعم الموبايل شبكات الاتصال الـ 2G، والـ 3G، الـ 4G.

الموبايل بييجي بذاكرة صلبة بسعة 128 جيجا بايت، مع ذاكرة عشوائية بسعة 8 جيجا بايت.

الذاكرة الصلبة بتييجي من نوع UFS 3.0، والذاكرة العشوائية من نوع LPDDR5.

بالإضافة إلى دعم الموبايل إلى الميكروفون الثانوي الخاص بعزل الضوضاء وقت إستخدام وقت تسجيل المكالمات أو خلافه.

منفذ الـ USB بييجي من الإصدار الأحدث من نوع الـ Type C.

الموبايل بييجي بنظام تشغيل Android 10.0، مع واجهة سامسونج الـ One UI 2.

الموبايل بيتوفر بألوان زي الرمادي، واللون الأزرق، واللون الأسود.

أداء موبايل سامسونج جالاكسي S20+:

الموبايل هنا بردو بييجي بمعالج سامسونج الأحدث من نوع الـ Exynos 990، بتكنولوجيا الـ 7 نانو، مع معالج رسومي من نوع Mali-G77 MP11.

 

أداء موبايل سامسونج جالاكسي S20+
أداء موبايل سامسونج جالاكسي S20+

 

بالرغم من إن أنا معروف عني إني مش بحب المعالجات الإكسينوس بتاعة سامسونج، إلا إني هعترف المرة دي إن المعالج دا في الموبايل دا بيقدملي اتجربة الى كنت اللي محتاج إني أشوفها، يعني أداء عالي وقوي مع أداء رسومي جبار بيشغل أفضل الألعاب بسلاسة، ضيف على كدا الـ 120 هيرتز هتلاقي المعالج دا قوي من سامسونج وكان اختيار موفق ليهم، بس مش معنى كدا إنه أحسن من البروسيسور المنافس ليه من بروسيسورز سناب دراجون.

بطارية موبايل سامسونج جالاكسي S20+:

البطارية هنا بتيحي بسعة 4500 مللي أمبير، كمان بتدعم الشحن السريع بقوة 25 وات، والشحن اللاسلكي 15 وات، وأيضًا الشحن اللاسلكي العكسي بقوة 9 وات.

 

بطارية موبايل سامسونج جالاكسي S20+
بطارية موبايل سامسونج جالاكسي S20+

سعر موبايل سامسونج جالاكسي S20+:

سعر الموبايل في مصر حاليًا 12440 جنيه مصري.

محتويات علبة موبايل سامسونج جالاكسي S20+:

  1. موبايل سامسونج جالاكسي S20+.
  2. شاحن بقوة 25 وات.
  3. كابل الـ USB من نوع Type C.
  4. كتيب التعليمات مع الضمان يشرح كيفية استخدام الموبايل.
  5. دبوس معدني لفتح مكان شريحتي الاتصال.
  6. هاند فري من نوع AKG.
  7. جراب ضهر شفاف لحماية الموبايل.

الرأي النهائي فى موبايل سامسونج جالاكسي S20+:

الموبايل المرة دي قدم مزيج قوي جدًا من سسامسونج يعني البروسيسور وعلى غير العادة عجبني وسرعة الموبايل هتفرق بشكل كبير بسبب المعالج ده، الكاميرات الخلفية كانت ممتازة واستخدامها كان مميز وعجبتني صورها جدًا، ولكن الأمامية للأسف خيبت ظني وكانت سيئة ولا تستحق أن تكون في الموبايل من الأساس.

لو أنت بتدور على موبايل معين في فئة معينة فلازم تستخدم خدمة “اختار موبايلك” واللي بيقدمها موقعنا المتميز نــاس فـونـــز، الخدمة اللي بتوفرلك ترشيحات معينة تناسب احتياجاتك وميزانيتك، تقدر تبعتلنا من هنـــــــــا

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *